ఆరంభం అదిరింది. నెక్స్ట్ ఏంటి ?.. మెగాస్టార్ చిరంజీవి చిన్న అల్లుడు కళ్యాణ్ దేవ్ గురించి అందరూ అడుగుతున్న ప్రశ్న ఇది. రాకేష్ శ‌శి దర్శకత్వంలో తెరకెక్కిన విజేత మూవీ ద్వారా హీరోగా కళ్యాణ్ పరిచయమైన సంగతి తెలిసిందే. సాయి కొర్రపాటి నిర్మించిన ఈ మూవీ మొన్న రిలీజ్ అయి మంచి స్పందన అందుకుంది. తొలి సినిమా అయినప్పటికీ మంచి నటన ప్రదర్శించారని అందరూ ప్రశంసలు గుప్పించారు.తండ్రి సెంటిమెంట్ కథతో వచ్చి ఫ్యామిలీ ఆడియన్స్ కి దగ్గరయ్యారు. చాలా సహజంగా నటించి యువతకి చేరువయ్యారు. ఇక అతని నెక్స్ట్ సినిమాపై ఆసక్తి నెలకొని ఉంది. మెగా హీరోలందరూ మాస్ ఆడియన్స్ ని మెప్పించి పైకి వచ్చినవారే.
అందుకే కళ్యాణ్ దేవ్ దృష్టి మాస్ కథలపై పడింది. మంచి మాస్ మసాలా కథలంటే చెప్పమని దర్శకులను, రచయితలను ఆహ్వానించినట్టు ఫిలిం నగరవాసులు చెప్పారు. ఆ కథలను వినే పనిలోనే బిజీగా ఉన్నట్టు సమాచారం. త్వరలోనే రెండో మూవీ సెట్స్ మీదకు వెళ్లనున్నట్టు తెలిసింది. మెగా హీరోలతో హిట్స్ అందుకున్న హరీష్ శంకర్ కూడా అదిరిపోయే కథని సిద్ధం చేస్తున్నట్లు టాక్. మరి మెగాస్టార్ అల్లుడి రెండో మూవీ డైరక్ట్ చేసే ఛాన్స్ ఎవరికీ దక్కుతుందో చూడాలి.
