బ్యాక్ గ్రౌండ్ ఉన్నా, టాలెంట్ ఉన్నా కళ్యాణ్ రామ్ సినీ కెరీర్ లో హిట్టైన సినిమాల కంటే ఫ్లాపైన సినిమాలే ఎక్కువగా ఉన్నాయి. 2020 సంవత్సరం సంక్రాంతి పండుగ సందర్భంగా కళ్యాణ్ రామ్ హీరోగా తెరకెక్కిన ఎంత మంచివాడవురా సినిమా రిలీజై డిజాస్టర్ ఫలితాన్ని అందుకుంది. అయితే కళ్యాణ్ రామ్ బింబిసార సినిమాను సైలెంట్ గా 80 శాతం పూర్తి చేసి సీనియర్ ఎన్టీఆర్ పుట్టినరోజు సందర్భంగా టైటిల్ తో కూడిన పోస్టర్ ను రిలీజ్ చేశారు.
అయితే ఈ సినిమాను కళ్యాణ్ రామ్ తన మార్కెట్ ను దృష్టిలో ఉంచుకుని తక్కువ బడ్జెట్ లోనే నిర్మిస్తున్నట్టు తెలుస్తోంది. కేవలం 40 కోట్ల రూపాయల బడ్జెట్ తో కళ్యాణ్ రామ్ ఈ సినిమాను నిర్మిస్తున్నారని సమాచారం. ఈ సినిమా మూడు పార్టులుగా వస్తుందని ప్రచారం జరుగుతున్నా తొలి భాగం హిట్టైతే మాత్రమే మిగతా భాగాలు తెరకెక్కే అవకాశాలు ఉన్నాయని చెప్పవచ్చు. కళ్యాణ్ రామ్ ఈ సినిమాను ఇతర భాషల్లో కూడా రిలీజ్ చేయనున్నారు.
పాన్ ఇండియా మూవీగా ఈ సినిమా తెరకెక్కుతుండటంతో ఈ సినిమాకు బాగానే లాభాలు వస్తాయని కళ్యాణ్ రామ్ భావిస్తున్నారని తెలుస్తోంది. ఈ సినిమాకు యంగ్ టైగర్ ఎన్టీఆర్ వాయిస్ ఓవర్ ఇవ్వనున్నారని జరుగుతున్న ప్రచారం కూడా సినిమాపై అంచనాలను మరింత పెంచిందని చెప్పాలి. అయితే కొత్త దర్శకుడు వశిష్ట ఈ సినిమాకు దర్శకత్వం వహిస్తుండగా కళ్యాణ్ రామ్ అనుభవం ఉన్న దర్శకుడిని ఎంచుకుని ఉంటే బాగుండేదని కామెంట్లు వినిపిస్తున్నాయి.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home