నందమూరి కళ్యాణ్ రామ్ హీరోగా ‘బింబిసారా’ అనే భారీ బడ్జెట్ మూవీ తెరకెక్కుతోన్న సంగతి తెలిసిందే. మల్లిడి వశిస్ట్ అనే నూతన దర్శకుడు తెరకెక్కిస్తున్న ఈ చిత్రంలో కేథరిన్ , సంయుక్త మీనన్ లు హీరోయిన్లుగా నటిస్తున్నారు. ‘ఎన్టిఆర్ ఆర్ట్స్’ బ్యానర్ పై కె.హరికృష్ణ ఈ చిత్రాన్ని నిర్మిస్తున్నారు. చిరంతన్ భట్ సంగీత దర్శకుడు కావడం విశేషం. ఎన్టీఆర్ జయంతి నాడు ఈ చిత్రం ఫస్ట్ లుక్ ను విడుదల చేశారు చిత్ర యూనిట్ సభ్యులు. కళ్యాణ్ రామ్ కు ఇది 18వ చిత్రం కావడం విశేషం.
సరికొత్త గెటప్ లో కళ్యాణ్ రామ్ ఈ చిత్రంలో కనిపించనుండడం విశేషం. ఈ పోస్టర్ ‘మగధీర’ ‘గౌతమి పుత్ర శాతకర్ణి’ ‘బాహుబలి’ చిత్రాల ఫస్ట్ లుక్ లను పోలి ఉందనే కామెంట్స్ వినిపించాయి. వాటిని పక్కన పెడితే ఈ చిత్రం టైం ట్రావెల్ కథాంశంతో రూపొందుతోంది అని సమాచారం. విజువల్ ఎఫెక్ట్స్ కూడా ప్రేక్షకులను థ్రిల్ చేసే విధంగా ఉంటాయట. ఇదిలా ఉండగా.. ఈ చిత్రం ఏకంగా 3 పార్టులుగా తెరకెక్కనుందనేది తాజా సమాచారం. ఫస్ట్ పార్ట్ చాలా వరకు పూర్తయిందని వినికిడి.
ఇక రెండు భాగాల చిత్రీకరణ.. మొదటి పార్ట్ రిలీజ్ అయ్యాక మొదలవుతుందని వినికిడి. ఇదిలా ఉండగా.. కళ్యాణ్ రామ్ మార్కెట్ ప్రస్తుతానికి రూ.20 కోట్ల వరకు మాత్రమే ఉంది. అలాంటిది ఈ చిత్రాన్ని ఓ కొత్త దర్శకుడితో అదీ భారీ బడ్జెట్ తో రూపొందిస్తుండడం ‘బాహుబలి’ ని మించి సాహసమనే చెప్పాలి. అయితే 3 పార్ట్ లలో మొదటి పార్ట్ ప్లాప్ అయితే మిగిలిన రెండు పార్ట్ ల సంగతేంటి? అనే కామెంట్లు కూడా వినిపిస్తున్నాయి.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
