టాలీవుడ్‌ సినిమాల పోరులో ఈ డిసెంబరు నెల చాలా కీలకంగా మారింది. ఎప్పుడూ లేనంతగా వరుస సినిమాలు విడుదల కాబోతున్నాయి. తొలి వారం నుండి మూడో వారం వరకు వారానికో సినిమాలు వస్తాయి. ఆఖరి వారంలో అయితే రెండు సినిమాలు రాబోతున్నాయి. ఈ క్రమంలో రెండో వారం ఒకటి ఖాళీ ఉంది. దానిని కూడా ఫిల్‌ చేయడానికి యువ హీరో రెడీ అవుతున్నాడని సమాచారం. ఒకవేళ ఇదే జరిగితే… డిసెంబరు మరింత ఇంట్రెస్టింగ్‌గా మారబోతోంది.
డిసెంబరులో రిలీజ్‌ అవుతాయని ఇప్పటివరకు వచ్చిన వివరాల ప్రకారం డిసెంబరు 2న ‘అఖండ’, 17న ‘పుష్ప’, 24న ‘రాధే శ్యామ్‌’ ‘గని’ రాబోతున్నాయి. తొలుత ‘గని’ని డిసెంబరు 3న విడుదల చేద్దాం అనుకున్నారు. అయితే వివిధ కారణాల వల్ల సినిమాను 24కు వాయిదా వేశారు. ఈ క్రమంలో మధ్యలో గ్యాప్‌ ఉన్న పదో తేదీని ఇప్పుడు నందమూరి కల్యాణ్‌రామ్‌ ఫిల్‌ చేస్తున్నారట. అవును ‘బింబిసార’ను ఆ రోజు రిలీజ్‌ చేస్తున్నారట. ఆ రోజు ‘గుడ్‌లక్‌ సఖి’ రిలీజ్‌ చేస్తున్నారు.
‘ఎంత మంచివాడవురా’ సినిమాతో ఆఖరిసారిగా ప్రేక్షకుల ముందుకొచ్చిన కల్యాణ్‌రామ్‌… చాలా రోజుల నుండి ‘బింబిసార’ చిత్రీకరణ చేస్తున్నారు. గత కొన్ని రోజులుగా ఈ సినిమా గురించి ఎలాంటి వార్తలు లేవు. కానీ ఇప్పుడు ఉన్నట్లుండి సినిమాను రిలీజ్‌ చేయాలని చూస్తున్నారట. అంతలా సినిమా సిద్ధమైందా అనేది ప్రశ్నగా మారింది. కళ్యాణ్ రామ్ చేసిన తొలి పీరియాడిక్ సినిమా ఇది. మల్లిడి వశిష్ట్ రూపొందిస్తున్నారు.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
Home
