నందమూరి కళ్యాణ్ రామ్ తాజాగా నటించిన పీరియాడిక్ స్పై యాక్షన్ థ్రిలర్ మూవీ డెవిల్ . అభిషేక్ నామా దర్శక నిర్మాణంలో వచ్చిన ఈ సినిమాలో సంయుక్త మీనన్ హీరోయిన్ గా నటించారు. ఈ సినిమా డిసెంబర్ 29వ తేదీ ప్రేక్షకుల ముందుకు వచ్చి మొదటి షో నుంచి కూడా అద్భుతమైనటువంటి ఆదరణ సొంతం చేసుకుంది. ఇలా ఈ సినిమాకు పాజిటివ్ టాక్ రావడంతో చిత్ర బృందం సెలెబ్రేషన్స్ చేసుకుంటున్నారు.
ఇక ఈ సినిమా స్వతంత్రం ముందు సుభాష్ చంద్రబోస్, అతని అనుచరులని బ్రిటిష్ వాళ్ళు పట్టుకోవడానికి చేసే ప్రయత్నాలు, మరో వైపు హత్య కేసు ఛేదించడం వంటి కథాంశం ద్వారా ప్రేక్షకుల ముందుకు రావడంతో ఈ సినిమా పెద్ద ఎత్తున ప్రేక్షకులను ఎంతగానో ఆకట్టుకుంది. ఇక ఈ సినిమా మంచి సక్సెస్ కావడంతో ఈ సినిమా సీక్వెల్ గురించి తాజాగా కళ్యాణ్ రామ్ చేసినటువంటి కామెంట్స్ ప్రస్తుతం వైరల్ అవుతున్నాయి.
ప్రస్తుత కాలంలో హిట్ అయినటువంటి ప్రతి సినిమాకి సీక్వెల్ చిత్రం రాబోతున్న సంగతి మనకు తెలిసిందే. ఈ క్రమంలోనే డెవిల్ సినిమా సీక్వెల్ చిత్రం గురించి కళ్యాణ్ రామ్ మాట్లాడుతూ పలు ఆసక్తికరమైన విషయాలను వెల్లడించారు. ఈ సినిమాకు సీక్వెల్ చిత్రం కచ్చితంగా ఉంటుంది అంటూ కళ్యాణ్ రామ్ క్లారిటీ ఇచ్చారు. అయితే ఈ సినిమా 2024వ సంవత్సరంలో షూటింగ్ ప్రారంభించి 2025వ సంవత్సరంలో ప్రేక్షకుల ముందుకు వస్తుందని ఈయన వెల్లడించారు.
డెవిల్ సినిమా షూటింగ్ ప్రారంభమైనటువంటి పది రోజులకే శ్రీకాంత్ పార్ట్ 2 కథ కూడా చెప్పాడు. సీక్రెట్ సర్వీస్ తో కథని ముందుకి తీసుకెళ్లొచ్చు. ఆ లైన్ నాకు బాగా నచ్చింది. డెవిల్ 2 సినిమా 1940 సమయంలో ఉంటుంది. అలాగే 2000 సమయంలో కూడా ఉండబోతోంది అంటూ ఈ సందర్భంగా ఈ సినిమా సీక్వెల్ గురించి (Kalyan Ram) కళ్యాణ్ రామ్ చేసినటువంటి వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి.
డెవిల్ సినిమా రివ్యూ & రేటింగ్!
బబుల్ గమ్ సినిమా రివ్యూ & రేటింగ్!
‘ఖైదీ నెంబర్ 786’ టు ‘ఠాగూర్’.. తెలుగులో రీమేక్ అయిన విజయ్ కాంత్ సినిమాల లిస్ట్..!
Home