Kalyan Ram – Parasuram: ఇద్దరు ‘రామ్‌’లు కలుస్తున్నారు.. ‘ఫ్యామిలీ స్టార్‌’ దెబ్బ తర్వాత..

July 25, 2026 / 04:09 PM ISTByFilmy Focus Desk

Join Us

ఒక సినిమా విజయం సాధిస్తే.. ఆ ఫలితం సినిమా టీమ్‌లో అందరికీ దక్కుతుంది. అదే సినిమా ఇబ్బందికర ఫలితం అందుకుంటే ఆ ఫలితం హీరో, దర్శకుడిపైనే ఎక్కువ పడుతుంది. ఆ హీరో స్టార్‌ అయితే, లేదంటే స్టార్‌ అయ్యే దారిలో ఉన్న హీరో అయితే.. ఆ ప్రభావం ఎక్కువగా దర్శకుడిపైనే పడుతుంది. ఈ విషయంలో ఏమైనా డౌట్‌ ఉంటే.. దర్శకుడు పరశురామ్‌ పరిస్థితి గురించి తెలుసుకుంటే సరి. ‘ఫ్యామిలీ స్టార్‌’ సినిమా తర్వాత హీరో కోలుకొని సినిమాలు చేస్తున్నాడు, హీరోయిన్‌ కూడా సినిమాలు చేస్తున్నారు. కానీ దర్శకుడు పరశురామ్‌ మాత్రం సినిమా అనౌన్స్‌ చేయలేదు.

Kalyan Ram – Parasuram

ఎట్టకేలకు పరశురామ్‌ నుండి ఓ సినిమా అనౌన్స్‌మెంట్‌ రాబోతోంది. ఆ సినిమాలో ఇద్దరు ‘రామ్‌’లు కలవబోతున్నారు. ఆ రెండో రామ్‌ కల్యాణ్‌ రామ్‌. ప్రస్తుతం ఉన్న ఫామ్‌ ప్రకారం అయితే.. ఇద్దరు రామ్‌లు విజయాల కోసం చూస్తున్నవారే. కల్యాణ్‌ రామ్‌ ప్రస్తుతం అనిల్‌ రావిపూడి సినిమాలో నటిస్తున్నాడు. ఈ సినిమా తర్వాతే పరశురామ్‌ సినిమా చేస్తాడని టాక్‌. త్వరలోనే ఈ సినిమా అనౌన్స్‌మెంట్ ఇస్తారని సమాచారం. ఈసారి కూడా ఓ ఫ్యామిలీ స్టోరీనే ఎంచుకున్నారని తెలుస్తోంది.

‘ఫ్యామిలీ స్టార్’ సినిమా తర్వాత పరశురామ్ తెలుగులో వరుసగా ప్రయత్నాలు చేశారు. అయితే ఏదీ ఫైనల్‌ కాకపోవతోపాటు.. బాలీవుడ్‌లో కూడా ప్రయత్నాలు చేశారు. ఒకరిద్దరు హీరోలు ఓకే చెబుతున్నట్లే కనిపించినా.. ఎవరూ ఓకే అవ్వలేదు. దీంతో తిరిగి మళ్లీ తెలుగులోకి వచ్చి ప్రయత్నాలు చేశారట. అలా కల్యాణ్‌ రామ్‌ సినిమా ఓకే అయిందని తెలుస్తోంది. ఈ చిత్రాన్ని ప్రముఖ నిర్మాత దిల్‌ రాజు నిర్మించే అవకాశాలు ఉన్నాయి. పరశురామ్ – దిల్‌ రాజు కాంబినేషన్‌కు మంచి ట్రాక్‌ రికార్డే ఉంది. పరశురామ్‌ ఆ రికార్డును నిలబెట్టుకోవాల్సిందే.