టాలీవుడ్ లో నందమూరి ఫ్యామిలీకి ఎదురు లేదు అనేది జగమెరిగిన సత్యం. అయితే రాజకీయ కారణాలు, వ్యక్తిగత కారణాల దృష్ట్యా వారి మధ్య కాస్త సఖ్యత తగ్గిన విషయం తెలిసిందే. ఒక పక్క బాబాయ్ బాలయ్య సింహంలా దూసుకుపోతుంటే, మరో పక్క అబ్బాయిలు ఎన్టీఆర్, కల్యాణ్ రామ్ లు బాబాయి స్పీడ్ కు బ్రేక్స్ వెయ్యాలేక వారి దారి వారు చూసుకుంటున్నారు. అయితే ఇదే క్రమంలో ఎవరికి వారు వారి సినిమాల్లో బిజీగా ఉన్నారు.
ఇదిలా ఉంటే తాజాగా బాలయ్య తన 100వ సినిమా ‘గౌతమీ పుత్ర శాతకర్ణి’తో బిజీగా ఉంటే, మరో పక్క ఎన్టీఆర్ ‘జనతా గ్యారేజ్’తో దూసుకువస్తున్నాడు. ఇక మరో అబ్బాయి కల్యాణ్ రామ్ సైతం పూరీ జగన్నాధ్ దర్శకత్వంలో ఒక సినిమా చేస్తున్నాడు. ఆ సినిమాతో బాలయ్యను టార్గెట్ చేశాడా అన్న అనుమానం కలుగుతుంది అన్న టాక్స్ ఇండస్ట్రీలో వినిపిస్తున్నాయి. విషయం ఏమిటంటే….పూర్తి తో కల్యాణ్ రామ్ చేస్తున్న సినిమాకు మొన్నటిదాకా “రీమిక్స్” అనే టైటిల్ పెట్టారని తెలుస్తుంది. అయితే ఆ టైటిల్ అంతగా నచ్చని కళ్యాణ్ రామ్ టైటిల్ మార్చే దిశగా ప్రయత్నాలు చేస్తున్నారు.
అయితే ఇందులో ఓ జర్నలిస్ట్ క్యారక్టర్ లో చేస్తున్న కళ్యాణ్ రామ్ టైటిల్ కూడా ఆ పేరుతో వచ్చేలా చేయమని పూరికి చెప్పినట్లు సమాచారం. ఇక ఈ సినిమాలో హీరో పేరు బాలకృష్ణ కావడంతో, సినిమా టైటిల్ “రిపోర్టర్ బాలకృష్ణ” అని పెడుతున్నారని తెలుస్తుంది. అయితే ఈ టైటిల్ ఫైనల్ చేస్తున్నారా లేదా అన్న విషయం జూలై 4 ఈవినింగ్ కల్లా తెలుస్తుంది.. జూలై 5 కళ్యాణ్ రామ్ బర్త్ డే సందర్భంగా సినిమా ఫస్ట్ లుక్ పోస్టర్ రిలీజ్ చేస్తున్నారట, ఇక అప్పుడే టైటిల్ ను కూడా అనౌన్స్ చెయ్యనున్నారు. మరి ఏం జరుగుతుందో చూద్దాం.
