Kamal Haasan: ‘బిగ్ బాస్ 8’ నుండి తప్పుకున్న కమల్.. ఏమైందంటే?

బిగ్ బాస్ షో సౌత్ లో కూడా సూపర్ సక్సెస్ అయ్యింది. హిందీలో స‌ల్మాన్ ఖాన్‌ (Salman Khan) హోస్ట్ చేస్తున్న ఈ షోని తెలుగులో నాగార్జున (Nagarjuna) , త‌మిళంలో క‌మ‌ల్ హాస‌న్ (Kamal Haasan) హోస్ట్ చేస్తూ వస్తున్నారు. తెలుగులో నాగార్జున సీజన్ 3 నుండి హోస్ట్ చేస్తూ వస్తుండగా, తమిళ బిగ్ బాస్ ను కమల్ 7 సీజ‌న్ల నుండి హోస్ట్ చేస్తూ వస్తున్నారు.ఇక 2 భాషల్లోనూ సీజన్ 8 కి సన్నాహాలు చేస్తున్నారు. అయితే ఊహించని విధంగా తమిళ బిగ్ బాస్ సీజన్ 8 నుండి తప్పుకున్నట్టు కమల్ ప్రకటించి షాకిచ్చారు.

అయిష్టంగానే ఈ నిర్ణయం తీసుకున్నట్లు ఆయన తెలిపారు. కొద్దిసేపటి క్రితం ఓ లెటర్ ను కూడా ఆయన విడుదల చేయడం జరిగింది. ఆ లెటర్ ద్వారా కమల్ స్పందిస్తూ.. “సినిమాల ఒత్తిడి వ‌ల్ల ‘బిగ్ బాస్’ కి టైం కేటాయించ‌లేక‌పోతున్నాను, అభిమానుల‌తో పాటు బిగ్ బాస్ టీమ్ కూడా అర్థం చేసుకుంటారని కోరుకుంటున్నాను. ఇప్పటివరకు నాకు స‌హ‌క‌రించిన బిగ్ బాస్ టీమ్ కి, ప్రేక్ష‌కుల‌కి నా ప్రత్యేక కృత‌జ్ఞ‌త‌లు తెలుపుకుంటున్నాను” అంటూ ఆయన పేర్కొన్నారు.

తమిళ ‘బిగ్ బాస్’ షోని కమల్ చాలా బాగా హోస్ట్ చేస్తూ వస్తున్నారు.కంటెస్టెంట్స్ కి వీకెండ్లో ఇచ్చే కౌన్సిలింగ్ విషయంలో ఆయన తన నైపుణ్యం చూపిస్తారు. ఆయన తప్పుకుంటే.. ఆ లోటును భర్తీ చేయడం అన్నది చిన్న విషయం కాదు. ప్రస్తుతం ‘తగ్ లైఫ్’ (Thug Life) ‘ఇండియన్ 3’ (Indian 2) వంటి సినిమాలతో బిజీగా ఉండటం వల్ల కమల్ బిగ్ బాస్ ని వదులుకోక తప్పడం లేదు.