Kamal Haasan: కరోనా బారిన పడ్డ కమల్.. అభిమానులకు రిక్వెస్ట్..!

ప్రముఖ సినీ నటుడు కమల్ హాసన్ కరోనా బారిన పడ్డారు. ఈ విషయాన్ని ఆయన సోషల్ మీడియా వేదికగా వెల్లడించారు. ఇటీవల అమెరికా నుంచి తిరిగొచ్చిన ఆయన దగ్గుతో ఇబ్బంది పడ్డారు. పరీక్షలు చేయిస్తే కోవిడ్ పాజిటివ్ అని తేలింది. ఇదే విషయాన్ని ట్విట్టర్ లో రాసుకొచ్చారు. ”ఇటీవల అమెరికా నుంచి తిరిగొచ్చిన నాకు కాస్త దగ్గు, జలుబు వచ్చింది. దీంతో పరీక్షలు చేయించుకోగా కరోనా పాజిటివ్‌ అని వచ్చింది. ప్రస్తుతం హాస్పిటల్ లోనే ఐసోలేషన్‌లో ఉన్నాను. ఇక్కడ ప్రతి ఒక్కరు గుర్తించాల్సిన విషయం ఏమిటంటే..

పాండమిక్ ప్రభావం ఇంకా తగ్గలేదు. దయ చేసి ప్రతి ఒక్కరూ జాగ్రత్తగా ఉండండి’ అంటూ అభిమానులకు సూచించారు. ఇటీవలే కమల్ హాసన్ కొత్తగా అమెరికాలో దుస్తుల వ్యాపారం మొదలుపెట్టారు. తన బ్రాండ్‌ క్లాత్‌ ప్రారంభోత్సవ కార్యక్రమంలో భాగంగా కమల్‌హాసన్‌ అమెరికా వెళ్లారట. అక్కడే ఆయన కోవిడ్ బారిన పడినట్లు తెలుస్తోంది. ఇక సినిమాల విషయానికొస్తే.. ప్రస్తుతం కామల్ హాసన్ ‘విక్రమ్’ సినిమాలో నటిస్తున్నారు. ఈ సినిమా పూర్తి కాగానే.. ‘ఇండియన్ 2’ సినిమా షూటింగ్ తిరిగి మొదలుపెట్టనున్నారు.

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!