Kamal Haasan: ‘విక్రమ్’ తెలుగు డబ్బింగ్ చెప్పడానికి కమల్ రెడీ!

నిన్న రాత్రి కమల్ హాసన్ నటించిన ‘విక్రమ్’ సినిమా ట్రైలర్ ను విడుదల చేయగా.. అది యూట్యూబ్ లో దూసుకుపోతుంది. ఇప్పటివరకు దాదాపు 10 మిలియన్ వ్యూస్ ను రాబట్టింది ఈ ట్రైలర్. దాని బట్టి ఈ సినిమాపై క్రేజ్ ఏ రేంజ్ లో ఉందో అర్ధం చేసుకోవచ్చు. లోకేష్ కానగరాజ్ దర్శకత్వం వహించిన ఈ యాక్షన్ ఎంటర్టైనర్ లో విజువల్స్ యాక్షన్ లవర్స్ ను ఆకట్టుకునే విధంగా ఉండబోతున్నాయి.

ట్రైలర్ లోనే యాక్షన్ పీక్స్ లో చూపించారు. ఇక సినిమాలో ఎలా ఉంటుందో చూడాలి. కమల్ హాసన్ తో పాటు ఫహద్ ఫాజిల్, విజయ్ సేతుపతి లాంటి నటులు ఈ సినిమాలో ఉండడంతో అంచనాలు రోజురోజుకి పెరిగిపోతున్నాయి. ట్రైలర్ లో ముగ్గురి స్క్రీన్ ప్రెజన్స్ గురించి ఎంత చెప్పుకున్నా తక్కువే. సూర్య క్యామియో సినిమాకి మరో స్పెషల్ ఎట్రాక్షన్. ఇదంతా ఓకే కానీ.. ‘విక్రమ్’ సినిమా తెలుగు వెర్షన్ ట్రైలర్ ఇంకా రిలీజ్ కాలేదు.

డబ్బింగ్ పూర్తి కాలేదో లేక తెలుగు డబ్బింగ్ హక్కులను ఎవరూ కొనలేదో క్లారిటీ లేదు కానీ సోషల్ మీడియాలో కమల్ హాసన్ తెలుగు ఫ్యాన్స్ మాత్రం ట్రైలర్ కావాలంటూ డిమాండ్ చేస్తున్నారు. అందుతున్న సమాచారం ప్రకారం.. కమల్ హాసన్ తన పాత్రకు తెలుగు డబ్బింగ్ ను తనే చెప్పాలనే ఉద్దేశంలో ఉన్నారట. గతంలో కమల్ కి ఎస్పీ బాలసుబ్రమణ్యం డబ్బింగ్ చెప్పేవారు కాబట్టి ఎలాంటి ఇబ్బంది ఉండేది కాదు. ఇప్పుడు ఆయన లేరు.

ఇంకెవరితోనైనా చెప్పిస్తే ఆ ఇంపాక్ట్ ఉండదేమోనని.. నెగెటివ్ ఫీడ్ బ్యాక్ వచ్చే ఛాన్స్ ఉందని.. కమలే స్వయంగా డబ్బింగ్ చెప్పాలనుకుంటున్నారు. జూన్ 3న ఈ సినిమా ప్రేక్షకుల ముందుకు రానుంది. అదే సమయానికి అడివి శేష్ ‘మేజర్’, అక్షయ్ కుమార్ ‘పృథ్వీరాజ్’ వంటి సినిమాలు విడుదల కానున్నాయి.

సర్కారు వారి పాట సినిమా రివ్యూ & రేటింగ్!

Most Recommended Video

మహేష్ బాబు 26 సినిమాలు.. మరియు వాటి బాక్సాఫీస్ కలెక్షన్లు..!
‘భద్ర’ టు ‘అఖండ’.. బోయపాటి డైరెక్ట్ చేసిన సినిమాల కలెక్షన్లు..!
‘దూకుడు’ టు ‘సర్కారు వారి పాట’.. ఓవర్సీస్ లో మహేష్ బాబు 1 మిలియన్ మూవీస్ లిస్ట్..!