తాజాగా ‘కాంచన 3’ లో ఓ కీలక పాత్ర పోషించింది రి డ్జావి అలెగ్జాండ్రా. రష్యాకు చెందిన ఈ భామ వయస్సు 34 ఏళ్ళు. 10 ఏళ్ళ క్రితమే తన భర్త పిల్లలతో కలిసి చెన్నైకి వచ్చి సెటిలయ్యింది. ఎంఆర్సీ నగర్ లో నివసిస్తూ పలు యాడ్స్ లో కూడా నటిస్తూనే.. అవకాశాలు దొరికినప్పుడల్లా సినిమాల్లో కూడా నటిస్తుంది. ఇదిలా ఉండగా.. ఆమె పై లైంగిక వేధింపులు ఎక్కువవుతున్నాయని తాజాగా పోలీసులకు కంప్లైంట్ ఇచ్చింది. ఈ వార్త బయటకి రావడమే సోషల్ మీడియాలో తెగ వైరలవుతుంది.
వివరాల్లోకి వెళితే.. రి డ్జావి అలెగ్జాండ్రా తో కలిసి పలు యాడ్స్ కి నటించిన రుబేశ్ కుమార్ అనే 26 ఏళ్ళ యువకుడు వేధింపులకు పాల్పడుతున్నాడని ఆమె కంప్లైంట్ లో పేర్కొంది. ఆమె మాట్లాడుతూ.. “నాకు అవకాశాలు ఇప్పిస్తానని చెప్పి రుబేశ్ పలు భంగిమల్లో నన్ను ఫోటోలు తీసాడు. తరువాత ఆ ఫోటోలను వాట్సాప్ చేసి.. తన కోరిక తీర్చాలంటూ లైంగిక వేధింపులకు పాల్పడుతున్నాడు. తన కోరిక తీర్చకపోతే ఆ ఫోటోలను ఇంటర్నెట్ లో విడుదల చేస్తానని బెదిరిస్తున్నాడు. వెంటనే అతని పై తగిన చర్యలు తీసుకోవాలి” అంటూ పోలీసులను కోరింది. దీంతో వెంటనే కేసు ఫైల్ చేసి విచారణ చేపట్టారు పోలీసులు. నిందితులు మాధవరం, పొన్నియమ్మన్ మేడు ప్రాంతానికి చెందిన వ్యక్తిగా పోలీసులు గుర్తించి వెంటనే అరెస్ట్ చేసారు. అంతే కాదు ఆ ఫోటోలను కూడా డిలీట్ చేయించారని తెలుస్తుంది.
Home