ప్లాస్టిక్ తో పర్యావరణానికి నష్టమని చెప్పిన కంగనా రనౌత్‌

ప్లాస్టిక్ మన అవసరాలను ఎంతో ఉపయోగపడుతోంది. దాంతో వాటి వాడకం పెరిగిపోయి వినాశనానికి కారణం అవుతున్నాయి. నేడు పర్యావరణం పాడడానికి ప్రధాన కారణాల్లో ప్లాస్టిక్ ముందు వరుసలో ఉంది. నిన్న (బుధవారం) ప్రపంచ పర్యావరణ దినోత్సవాన్ని పురస్కరించుకుని వివిధ రంగాల్లోని ప్రముఖులు ప్లాస్టిక్ వినియోగంపై అవగాహన కల్పించారు. అలాగే సినీ ప్రముఖులు పర్యావరణాన్ని కాపాడేందుకు తమదైన శైలిలో అభిమానులకు సోషల్ మీడియా ద్వారా సందేశాలు అందించారు. కత్రినా, ఆదా శర్మ తదితరులు ప్లాస్టిక్ వాడకాన్ని తగ్గించాలని సూచించారు. బాలీవుడ్‌ ‘క్వీన్’ కంగనా రనౌత్‌ మాత్రం కాస్త వినూత్నంగా పర్యావరణ పరిరక్షణపై అవగాహన కల్పించింది.

ఇందుకోసం ముఖానికి ప్లాస్టిక్‌ కవర్ తగిలించుకుని పది నిమిషాల పాటు అలాగే కూర్చుంది. అలా కవర్‌ తగిలించుకోవడం వల్ల ఊపిరాడక ఇబ్బంది పడుతామని, అదే విధంగా ప్లాస్టిక్‌ వినియోగాన్ని ఆపకపోతే మున్ముందు జీవరాశులు నాశనం అయిపోతాయని పేర్కొంది. ఆమె సందేశం విశేషంగా అభిమానులకు చేరింది. చాలామందిని మేల్కొల్పింది. ఆమె ఫోటోలు షేర్ అందుకుంటున్నాయి. ఇక సినిమా విషయానికి వస్తే క్రిష్ దర్శకత్వంలో కంగనా మణికర్ణిక అనే మూవీ చేస్తోంది. ప్రొడక్షన్ వర్క్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ జరుపుకుంటోంది.

#WorldEnvironmentDay | “In 30 years there will be more plastic in the ocean than the fish,” says #KanganaRanaut as she joins the fight against #plasticpollution #Kangana #Video #bollywood

A post shared by Filmy Focus (@filmyfocus) on Jun 5, 2018 at 10:42pm PDT