కన్నడ సినిమా ‘కాంతార’ మీద దేశవ్యాప్తంగా ప్రశంసల వర్షం కురుస్తోంది. ప్రేక్షకుల నుండి సెలబ్రిటీల వరకు అందరూ తెగ మెచ్చుకుంటున్నారు. రిషభ్‌ శెట్టి సినిమా తీసిన విధానం, నటించిన విధానం, చూపించిన విధానం.. ఇలా అన్నీ ప్రశంసలు అందుకుంటున్నాయి. తాజాగా ఈ సినిమాను పొగుడుతూ కంగన తన రివ్యూ చెప్పింది. ఈ మేరకు సోషల్‌ మీడియాలో ఓ వీడియోను పోస్ట్‌ చేసింది. ఇంతకీ కంగన ఏం చెప్పిందంటే? చిన్న సినిమాగా మొదలై.. ఇప్పుడు ఆకాశాన్ని అంటిన చిత్రం ‘కాంతార’.
గ్రామీణ నేపథ్యంలో సాగే ఈ సినిమా గురించి ఎంత చెప్పినా తక్కువే అంటున్నారు సినీ ప్రేక్షకులు. ఈ సినిమా చూసిన వెంటనే అల్లు అరవింద్‌ లాంటి నిర్మాత ముందుకొచ్చి తెలుగులో విడుదల చేశారు అంటే పరిస్థితి అర్థం చేసుకోవచ్చు. ఇక వసూళ్ల సంగతి ప్రత్యేకంగా చెప్పక్కర్లేదు. కన్నడలో మూడో హయ్యెస్ట్‌ గ్రాసర్‌ అంట. తెలుగులోనూ వసూళ్లు బాగున్నాయి అంటున్నారు. ఇక కంగన ఏం చెప్పిందో చూస్తే… ‘‘ఈ సినిమా ఇప్పుడు నా కుటుంబంతో కలసి చూశాను. ఇప్పటికీ నా చేతులు వణుకుతున్నాయి.
అద్భుతమైన ఎక్స్పీరియన్స్ ఇది. రిషభ్‌ శెట్టి నీ హ్యాట్సాఫ్‌. నీ రైటింగ్‌, డైరెక్టింగ్‌, నటన, యాక్షన్‌ అన్నీ అద్భుతంగా ఉన్నాయి’’ అంటూ తెగ మెచ్చేసుకుంది. అంతేకాదు సినిమాలో స్థానిక ఆచార వ్యవహారాలు, పద్ధతులు, పరిస్థితుల్ని బాగా వివరించి చూపించారు అని మరింత వివరంగా చెప్పింది కంగన. సినిమా అంటే ఇదీ.. దీనిని సినిమా అంటారు అంటూ సినిమా మీద తన అభిమానాన్ని చూపించిన కంగన.. ఈ సినిమా ప్రభావం నుండి నేను బయటపడటానికి మరో వారమైనా పడుతుంది. సినిమా అయిపోయి రిటర్న్‌ వస్తున్నప్పుడు చాలామంది మాటలు విన్నా.
ఇలాంటి ఎక్స్పీరియన్స్ ఇప్పటివరకు మేం చూడలేదు అనుకుంటున్నారు. ఇలాంటి సినిమా ఇచ్చినందుకు థ్యాంక్స్‌ రిషభ్‌ శెట్టి అని వీడియో ముగించింది కంగన. కంగన సౌత్ సినిమాను మెచ్చుకోవడం ఇదే తొలిసారి కాదు. పాన్‌ ఇండియా స్థాయిలో హిట్‌ అవుతున్న, అయిన ప్రతి సినిమాను మెచ్చుకుంటూ వస్తోంది. ఈ క్రమంలో హిందీ సినిమా ఎందుకు తక్కువ, ఎలా తక్కువ అనే ఎత్తిపొడుపు మాటలు కూడా ఉంటాయి. అయితే ఈ వీడియో అలాంటివేం లేవు.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
