Kangana Ranaut: ఫైర్ బ్రాండ్ నుండి ఇలాంటి రివ్యూ ఊహించి ఉండరు.. ‘జిందాబాద్ ఠాకూర్’ అంటూ..!

September 22, 2022 / 05:01 PM ISTByFilmy Focus

Join Us

Kangana Ranaut: ఫైర్ బ్రాండ్ నుండి ఇలాంటి రివ్యూ ఊహించి ఉండరు.. ‘జిందాబాద్ ఠాకూర్’ అంటూ..!

దుల్కర్ సల్మాన్ హీరోగా మృణాల్ ఠాకూర్ హీరోయిన్ గా రష్మిక మందన ఓ కీలక పాత్రలో తెరకెక్కిన చిత్రం ‘సీతా రామం’. హను రాఘవపూడి దర్శకత్వం వహించిన ఈ చిత్రం ఆగస్టు 5న రిలీజ్ అయ్యి బ్లాక్ బస్టర్ గా నిలిచింది. ఆగస్టు 29న హిందీలో కూడా రిలీజ్ అయ్యి అక్కడ కూడా మంచి ఫలితాన్ని అందుకుంది. తాజాగా ఈ చిత్రాన్ని వీక్షించిన బాలీవుడ్ ఫైర్ బ్రాండ్ మరియు అక్కడి స్టార్ హీరోయిన్ అయిన కంగనా రనౌత్.. తన అభిప్రాయాన్ని తెలియజేసింది.

‘మొత్తానికి ‘సీతా రామం’ సినిమాని చూసే టైం దొరికింది. ఈ చిత్రాన్ని వీక్షించాను.సినిమా నాకు అద్భుతమైన అనుభూతిని మిగిల్చింది. చరిత్రలో నిలిచిపోయే ప్రేమ కథా చిత్రమిది.దర్శకత్వం, స్క్రీన్ ప్లే అత్యద్భుతంగా ఉన్నాయి.దర్శకుడు హను రాఘవపూడికి నా ప్రత్యేక అభినందనలు. సినిమాకి అన్ని క్రాఫ్ట్స్ చాలా శ్రద్ధగా పని చేసినట్టు స్క్రీన్ పై కనిపిస్తుంది. నటీనటులంతా చాలా బాగా చేశారు. కానీ నేను మృణాల్ ఠాకూర్ గురించి ప్రత్యేకంగా చెప్పాలి అనుకుంటున్నాను.

ఆమె పాత్రలో ఎమోషన్స్, హుందాతనం రెండూ పర్ఫెక్ట్ గా ఉన్నాయి. ఇలాంటి పాత్ర మరో నటి చేయలేదేమో అన్నంత చక్కగా నటించింది. దర్శకుడు అందుకే ఆమెను ఎంపిక చేసుకుని ఉంటాడు. మృణాల్ ఠాకూర్ నిజమైన మహారాణి. జిందాబాద్ ఠాకూర్ సాబ్.. నీ రూలింగ్ మొదలైంది’ అంటూ కంగనా ప్రశంసలు కురిపించింది.

కంగనా ఇలాంటి రివ్యూ ఇస్తుందని బహుశా ఎవరూ ఊహించి ఉండరు. ‘లాల్ సింగ్ చడ్డా’ ‘బ్రహ్మాస్త్ర’ చిత్రాలను ఏకి పారేసిన కంగనా.. ‘సీతా రామం’ ని మాత్రం ఆకాశానికి ఎత్తేసింది. చాలా నిజాయితీగా ఆమె ఈ చిత్రం పై స్పందించినట్టు స్పష్టమవుతుంది.