Kangana Ranaut: ‘ఎమర్జెన్సీ’ కోసం కంగనా తీసుకున్న నిర్ణయం!

బాలీవుడ్ లో లేడీ ఓరియెంటెడ్ సినిమాలకు కేరాఫ్ అడ్రెస్ గా మారింది కంగనా రనౌత్. కెరీర్ లో కొన్నాళ్ల పాటు గ్లామర్ రోల్స్ చేసిన ఆమె.. ‘క్వీన్’ సినిమా తరువాత నుంచి రూటు మార్చింది. తన ఫ్యాన్ ఫాలోయింగ్, మార్కెట్ పెరగడంతో వరుసగా లేడీ ఓరియెంటెడ్ సినిమాలే చేస్తుంది. ‘మణికర్ణిక’ లాంటి సినిమాలు ఆమె ఇమేజ్ ని మరింత పెంచాయి. కానీ ఈ మధ్యకాలంలో ఆమె వరుసగా ప్లాప్ లు పడుతున్నాయి.

గతేడాది ఆమె ప్రధాన పాత్ర పోషించిన ‘దఢక్’ సినిమా పెద్ద డిజాస్టర్ గా మిగిలింది. దాదాపు వంద కోట్ల బడ్జెట్ లో తెరకెక్కిన ఈ సినిమా కనీసపు కలెక్షన్స్ ని కూడా వసూలు చేయలేకపోయింది. బాలీవుడ్ లోనే బిగ్గెస్ట్ డిజాస్టర్స్ లో ఒకటిగా నిలిచింది. ఈ సినిమా కంగనాకు పెద్ద షాక్ ఇచ్చిందనే చెప్పాలి. అయినప్పటికీ.. కంగనా మాత్రం తగ్గడం లేదు. మళ్లీ ఓ లేడీ ఓరియెంటెడ్ సినిమాను లైన్ లో పెట్టింది. అదే ‘ఎమర్జెన్సీ’. ఈ సినిమాలో ఆమె నటించడంతో పాటు దర్శకత్వం, నిర్మాణ బాధ్యతలు కూడా చేపట్టింది.

ఈ సినిమా కోసం కంగనా తన ఆస్తులన్నీ తాకట్టు పెట్టినట్లుగా ఓ ఇంటర్వ్యూలో వెల్లడించింది. ఎన్నో కష్టాలు పడి ‘ఎమర్జెన్సీ’ సినిమా తీసినట్లుగా వెల్లడించింది. ఈ సినిమా షూటింగ్ పూర్తయిన సందర్భంగా ఆమె మాట్లాడుతూ.. తన జీవితంలో అద్భుత ఘట్టం చివరి దశకు చేరుకుందని చెప్పింది. ఈ సినిమా కోసం తను ఎంతో కష్టపడ్డానని.. తనకు సంబంధించిన ఆస్తులన్నీ ఈ సినిమా కోసం తాకట్టు పెట్టినట్లు చెప్పింది.

ఈ సినిమా షూటింగ్ సమయంలో డెంగీ బారిన పడ్డానని.. శరీరంలో రక్తకణాల సంఖ్య పడిపోయిందని.. అయినా తట్టుకొని నిలబడ్డానని చెప్పింది. ఇది తనకు పునర్జన్మ అని చెప్పుకొచ్చింది. ఈ సినిమాకి కంగనా నిర్మాత అయినప్పటికీ.. ‘ఎమర్జెన్సీ’ కాన్సెప్ట్ కాంగ్రెస్ పార్టీకి వ్యతిరేకం కాబట్టి ఈ సినిమాకి బీజేపీ ఫండింగ్ చేస్తున్నట్లుగా అందరూ అనుకుంటున్నారు.

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?