యష్ నుండి రిషబ్ శెట్టి వరకు ఎవరెంత తీసుకుంటున్నారంటే.?

శాండల్‌వుడ్.. కొద్ది రోజుల క్రితం వరకు లిమిటెడ్ బడ్జెట్‌లో సినిమాలు చేసేవారు.. పాపులారిటీలో ఎంత పెద్ద స్టార్ అయినా సరే.. బడ్జెట్, రెమ్యునరేషన్ లాంటివి చాలా కంట్రోల్డ్‌గా ఉండేలా ప్లాన్ చేసుకునేవారు.. స్టార్ హీరోలు కూడా చాలా వరకు ఇతర భాషల్లో హిట్ అయిన మూవీస్ రీమేక్ చెయ్యడానికే ఇంట్రెస్ట్ చూపించేవారు.. కట్ చేస్తే.. కె.జి.యఫ్ నుండి సీన్ మారింది.. రీసెంట్ సెన్సేషన్ కాంతారతో కన్నడ ఇండస్ట్రీ పేరు ప్రపంచవ్యాప్తంగా మారుమ్రోగిపోతుంది.. తెలిసిన సమాచారం ప్రకారం ప్రస్తుతం కన్నడలో హయ్యస్ట్ పెయిడ్ యాక్టర్స్ ఎవరు, ఏంటనేది చూద్దాం..

యష్: 

రాకింగ్ స్టార్ యష్.. అప్పటి వరకు కన్నడ ఇండస్ట్రీకి మాత్రమే తెలిసిన ఈ పేరు.. కె.జి.యఫ్ మూవీతో వరల్డ్ వైడ్ రీసౌండ్‌తో వినిపించింది. యష్ ఓవర్ నైట్ స్టార్ అయిపోయాడు. కన్నడ ఇండస్ట్రీ అంతకుముందెప్పుడూ ఈ రేంజ్ కలెక్షన్స్ చూడలేదు. కె.జి.యఫ్ పార్ట్ 2 కూడా సెన్సేషన్ క్రియేట్ చేసింది. పాన్ ఇండియా స్టార్ ఇమేజ్ తెచ్చుకున్న యష్ అక్షరాలా 60 కోట్లు అందుకుంటున్నాడట..

దర్శన్:

ఛాలెంజింగ్ స్టార్ దర్శన్ డబ్బింగ్ సినిమాలతో తెలుగు ఆడియన్స్‌కి పరిచయమే.. తను నటించిన రాబర్ట్ మూవీని తెలుగులోనూ భారీగా రిలీజ్ చేశారు. దర్శన్ ఒక్క సినిమాకి 20 కోట్లు తీసుకుంటున్నాడని టాక్..

కిచ్చా సుదీప్: 

అభినయ చక్రవర్తి, కిచ్చా సుదీప్ కన్నడతో పాటు తెలుగు, హిందీ, తమిళ్ భాషల్లోనూ నటించి అభిమానులను సంపాదించుకున్నారు. ‘ఈగ’ లో విలన్‌గా సుదీప్ పర్ఫార్మెన్స్ అంత త్వరగా మర్చిపోలేం.. టెలివిజన్ హోస్ట్‌గానూ అలరించారు. ఆయన పారితోషికం 15 కోట్లు అని సమాచారం.. అయితే దర్శన్, సుదీప్ ఇద్దరూ 25 నుండి 30 కోట్లు తీసుకుంటున్నారని కూడా అంటున్నారు.

శివ రాజ్ కుమార్: 

కరునాడ చక్రవర్తి.. డా.శివ రాజ్ కుమార్ 100 కి పైగా సినిమాలు చేశారు. తెలుగులో బాలయ్య ‘గౌతమిపుత్ర శాతకర్ణి’ లో కనిపించారు. ఖాళీ లేకుండా కంటిన్యూగా సినిమాలు చేసే శివన్న.. 6 కోట్లు అందుకుంటున్నారట..

ఉపేంద్ర: 

నటుడిగా, దర్శకుడిగా కన్నడ ఇండస్ట్రీలో సెన్సేషన్ క్రియేట్ చేశారు రియల్ స్టార్ ఉపేంద్ర.. తెలుగులోనూ హీరోగా, క్యారెక్టర్ ఆర్టిస్టుగా నటించారు.. ప్రస్తుతం కబ్జా అనే పాన్ ఇండియా మూవీ చేస్తున్నారు. ఆయన ఒక సినిమాకి 6 కోట్ల వరకు ఛార్జ్ చేస్తున్నారు.

రక్షిత్ శెట్టి:

యంగ్ అండ్ టాలెంటెడ్ యాక్టర్, డైరెక్టర్ కమ్ ప్రొడ్యూసర్ రక్షిత్ శెట్టి కన్నడలో ఉన్న ఈ జనరేషన్ స్టార్స్‌లో తనకంటూ ప్రత్యేకమైన గుర్తింపు తెచ్చుకున్నాడు. రక్షిత్ రెమ్యునరేషన్ 6 కోట్లు..

రిషబ్ శెట్టి: 

ఇక లేటెస్ట్ సెన్సేషన్ రిషబ్ శెట్టి విషయానికొస్తే.. ‘కాంతార’ తో యాక్టర్ కమ్ డైరెక్టర్‌గా సత్తా చాటడంతో పాటు కన్నడ ఇండస్ట్రీ గురించి ప్రపంచమంతా మాట్లాడుకునేలా చేశాడు.. ఇప్పటికే నటన, దర్శకత్వానికి సంబంధించి రిషబ్‌కి తెలుగుతో పాటు ఇతర భాషల్లోనూ ఆఫర్స్ వస్తున్నాయి.. తర్వాత ప్రాజెక్ట్ ఏంటనేది కన్ఫామ్ అయిన తర్వాత రిషబ్ రెమ్యునరేషన్ గురించి క్లారిటీ వచ్చే అవకాశముంది..