Karate Kalyani: హేమ మొదటి నుండి ఫేకే : కరాటే కళ్యాణి.!

బెంగళూరులో జరిగిన ఓ రేవ్ పార్టీలో నటి హేమ (Hema) కూడా ఉందని.. బెంగళూరు పోలీసులు స్పష్టం చేసిన సంగతి తెలిసిందే. కానీ ఆమె మాత్రం హైదరాబాద్ ఫామ్ హౌస్ లో ఉన్నాను అంటూ ఓ వీడియో రిలీజ్ చేసింది. అది కూడా రేవ్ పార్టీ జరిగిన ఫామ్ హౌస్లోనిదే అంటూ బెంగళూరు పోలీసులు ఆమె పై మరో కేసు పెట్టారు. అయినా తగ్గకుండా హేమ ఈరోజు హైదరాబాద్లో ఉండి బిర్యానీ చేస్తున్నాను అంటూ ఇంకో వీడియో చేసింది.

దీంతో ఆమె పై నెటిజన్లు సైతం విమర్శల వర్షం కురిపిస్తున్నారు. ఇదిలా ఉంటే.. హేమ పై కరాటే కళ్యాణి (Karate Kalyani) చేసిన కామెంట్స్ హాట్ టాపిక్ అవుతున్నాయి. కరాటే కళ్యాణి మాట్లాడుతూ “హేమ మొదటి నుండీ ఫేక్. ముందు నుండి నేను అదే చెబుతున్నాను. కానీ నన్ను ఎవరూ పట్టించుకోలేదు. ఒకప్పుడు హేమ అని గూగుల్ సెర్చ్ చేసి చూస్తుంటే నా ఫోటో కూడా కనిపించేది. ఇదేంటి నా ఫోటో కనిపిస్తుందని చూస్తే..

ఆవిడ నన్ను కూడా పాయింట్ అవుట్ చేసి ఓ ఇంటర్వ్యూలో మాట్లాడింది. ‘కరాటే కళ్యాణి పేకాట ఆడుతూ పట్టుబడింది. నువ్వు అలా చేసావ్.. ఇలా చేశావ్’ అని చెప్పింది. మరి ఇప్పుడు ఈమె చేసింది ఏంటి..? నేను మొదటి నుండి హేమ ఫేక్ అనే చెప్పుకొస్తున్నా..! ఆమె అన్నింటిలోనూ ఫేకే..! ‘నేనే ఇండస్ట్రీ మొత్తాన్ని కాపాడుతున్నాను మహారాణిని, నన్ను తప్ప ఎవరు దాటి వెళ్ళలేరు’ అనే విధంగా చెప్పుకొచ్చింది. అందరి మీద బురద వేసింది.

ఇప్పుడు ఆమెనే రేవ్ పార్టీలో దొరికింది. ఇంటికి ఫోన్ చేసుకుంటాను అని చెప్పి ఫామ్ హౌస్లో ఉన్నాను అంటూ వీడియో చేసి పెట్టింది. ‘నువ్వు ఫామ్ హౌస్ లో ఉంటే పక్కన నీ భర్త కూడా ఉండాలి కదా? పోనీ క్షమించండి.. నేను ఏదో భర్త డే పార్టీకి వెళ్లాను అంటే సరిపోయేదానికి.. ఇంత బుకాయించాలా? పోలీసుల్ని, మీడియాని కూడా తప్పుదోవ పట్టించావ్? ఇప్పుడు ఇది పెద్ద కేసు అయ్యింది” అంటూ చెప్పుకొచ్చింది.