Prabhas: సంచలనంగా మారిన స్టార్‌ హీరోయిన్‌ సెలక్షన్‌… ఆమె ఆలోచన ఏంటంటూ…

బాలీవుడ్‌లో స్టార్‌ హీరోలు ఇప్పుడు సౌత్‌కి వచ్చి స్టార్‌ విలన్లు అవుతున్నారు. ఇక అక్కడి స్టార్‌ హీరోయిన్లు ఇక్కడికి స్టార్‌ హీరోయిన్లుగానే వస్తున్నారు. మామూలుగా అయితే కొత్త నాయికలు మనకు ఇంపోర్టు అవుతుంటారు. కానీ గత కొన్ని నెలలుగా ఓ సీనియర్‌ స్టార్‌ హీరోయిన్‌ గురించి మాట్లాడుకుంటూనే ఉన్నాం. ఆమెనే కరీనా కపూర్‌ (Kareena Kapoor) . బాలీవుడ్ బెబో సౌత్‌ సినిమాలో నటిస్తుందని చాలా రోజులుగా వార్తలొస్తున్నాయి. అయితే ఎట్టకేలకు ఆమె సినిమా ఓకే అయింది అంటున్నారు.

ఏంటీ కరీనా కపూర్‌.. యశ్‌ (Yash) సినిమాకు ఓకే చెప్పేసిందా? అని అనుకుంటున్నారా? ఆమె దక్షిణాది సినిమాకు అవును అంది కానీ అది యశ్‌ సినిమా కాదు అంటున్నారు. అనూహ్యంగా భర్త తరహాలోనే తెలుగు సినిమాతోనే బెబో సౌత్‌ ఎంట్రీ ఇస్తోందట. టాలీవుడ్‌లో ఎంట్రీ అని అంత నెమ్మదిగా చెబుతున్నారేంటి అనుకుంటున్నారా? ఇంకా క్లారిటీ రాలేదు కాబట్టి అంత స్లోగా చెబుతున్నాం లెండి. ఇక అసలు విషయానికొస్తే.. కరీనా ఓకే చేసిన సినిమా ‘సలార్‌ 2’ (Salaar) అంటున్నారు.

టాలీవుడ్‌లో ఇప్పటికే క్రేజీ కాంబినేషన్స్ చాలా ఓకే అవుతున్నాయి. అలా ఇప్పుడు ‘సలార్‌ 2’ కోసం కరీనా కపూర్‌ను తీసుకుంటున్నారు అని చెబుతున్నారు. ఆ సినిమాలో కరీనా కోసం ఓ పవర్‌ ఫుల్‌ పాత్రను రాసుకున్నారట ఆ సినిమా కెప్టెన్‌ ప్రశాంత్‌ నీల్‌ (Prashanth Neel) . పాత్రకి ప్రాధాన్యత నచ్చడంతో కరీనా ఓకే చెప్పింది అని అంటున్నారు. నిజానికి చాలా రోజుల క్రితమే ఆమె మాట్లాడుతూ ఓ సౌత్‌ సినిమాలో నటిస్తాను అని చూఛాయగా చెప్పేసింది.

దాంతో అప్పుడు అంతా యశ్‌ ‘టాక్సిక్‌’ (Toxic) సినిమా అనుకున్నారు. కానీ ఆమె ఆ సినిమాను ఓకే చేయకుండా ‘సలార్‌ 2’ ఫైనల్‌ చేసింది అంటున్నారు. ఇక ‘టాక్సిక్‌’లో ఆ పాత్రను నయనతార (Nayanthara) చేస్తోంది అని చెబుతున్నారు. ఇదే నిజమైతే కరీనా పాత్ర ఎలా ఉంటుంది అనేది ఆసక్తికరంగా మారింది. ఇప్పటికే ఆ సినిమాలో చాలా యాక్టింగ్‌ పవర్‌ హౌస్‌లు ఉన్నాయి. ఇప్పుడు కరీనా కూడా యాడ్‌ అయితే బ్యాంగ్‌ బ్యాంగే.