‘కార్తీక దీపం’ సీరియల్ లేదు… టాప్ ప్లేస్ కోల్పోయిన ఛానల్..!

లాక్ డౌన్ కారణంగా కేవలం సినిమా షూటింగ్ లే కాదు… సీరియల్ షూటింగ్ లు కూడా నిలిచిపోయాయి. దీంతో సదరు ఛానల్స్ వారి దగ్గర కూడా ఫుటేజ్ అయిపోవడంతో ఎక్కువగా సినిమాలు టెలికాస్ట్ చేస్తున్నారు. వేసిన సినిమాలే మళ్ళీ మళ్ళీ వేస్తున్నారు. పనిలో పనిగా సోమవారం నుండీ గురువారం వరకూ సీరియల్స్ పునః ప్రసారం చేస్తున్నారు. ఎక్కువగా సీరియల్స్ వల్లే రేటింగ్ సంపాదించుకుంటున్న ఛానల్స్ రేటింగ్ ఇప్పుడు భారీగా తగ్గిపోయింది.

ఇందులో మనం ప్రప్రథమంగా చెప్పుకోవాల్సింది ‘కార్తీక దీపం’ సీరియల్ టెలికాస్ట్ చేసే ఛానల్ గురించి… చెప్పుకోవాలి. ఈ సీరియల్ అంటే తెలియని తెలుగు ప్రేక్షకులు ఎక్కువ ఉండరేమో. అంతలా డాక్టర్ బాబు… వంటలక్క పాపులర్ అయిపోయారు. వీళ్ళ కోసం స్టార్ డైరెక్టర్లు కూడా తమ సినిమాల్లో పాత్రలు రాసుకుని… వీరితో చేయించి … వీరి క్రేజ్ ను వాడుకోవాలి అని భావిస్తున్నారు అంటే.. వీరి ఫాలోయింగ్ ఏంటి అన్నది మనం అర్ధం చేసుకోవచ్చు.

ఇప్పుడు ఈ సీరియల్ షూటింగ్ ఆగిపోవడం వల్ల సదరు ఛానల్ రేటింగ్ భారీగా పడిపోయిందని తెలుస్తుంది. పునః ప్రసారం చేస్తున్నప్పటికీ ఈ సీరియల్ ను మళ్ళీ ఏం చూస్తాము అని లైట్ తీసుకునే వాళ్ళు కూడా ఉన్నారు. ఒక్క సీరియల్ వల్ల ఛానల్ ప్లేసే మారిపోయింది అంటే.. ఆశ్చర్యం కలిగించే విషయమే. మళ్ళీ ఈ సీరియల్ షూటింగ్ ఎప్పుడు ప్రారంభం అవుతుంది… ఎప్పుడు తరువాతి ఎపిసోడ్స్ టెలికాస్ట్ అవుతాయా అని ప్రేక్షకులతో పాటు ఆ ఛానల్ వారు కూడా ఎదురుచూస్తున్నారని తెలుస్తుంది.

Most Recommended Video

‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!