‘కార్తీక దీపం’ సీరియల్ గురించి తెలియని వారంటూ ఉండరు. టెలివిజన్ రంగంలో చరిత్ర సృష్టించింది ఈ సీరియల్. ఈ సీరియల్లో నటించే ప్రతి ఆర్టిస్ట్ బాగా ఫేమస్ అయ్యారు. ఈ సీరియల్ వల్ల వాళ్లకు సినిమాల్లోనూ, ఇంకా కొన్ని సీరియల్స్ లోనూ అవకాశాలు లభించాయి. వీళ్ళను చాలా వరకు తమ కుటుంబ సభ్యుల్లా ఫీలవుతూ ఉంటారు ప్రేక్షకులు.2017 లో స్టార్ట్ అయిన ఈ సీరియల్ ఇప్పటికీ టెలికాస్ట్ అవుతూనే ఉంది.
డాక్టర్ బాబు, వంటలక్క పాత్రలకు సోషల్ మీడియాలో బోలెడంత క్రేజ్ పెరిగింది. ఇదిలా ఉండగా.. ఈ సీరియల్ ఇన్నేళ్ల నుండి ప్రసారమవుతుంది అంటే అది లేడీ విలన్ మోనిత పాత్ర వల్లే అని చెప్పాలి. ఈ పాత్రను పోషించేది శోభా శెట్టి. అయితే ఇప్పుడు ఈ మోనిత పాత్ర కనిపించడం లేదు. ఇటీవల ఓ సందర్భంలో తన పాత్రను కావాలనే తీసేశారు అంటూ షాకింగ్ కామెంట్లు చేసింది శోభా శెట్టి.
శోభా శెట్టి ఈ విషయంపై స్పందిస్తూ.. “నా లైఫ్‌లో ఎన్నో సీరియల్స్ చేశాను. కానీ ఇంతలా ఎప్పుడూ బాధపడలేదు. రీ ఎంట్రీ తర్వాత 5 నెలలు మాత్రమే వర్క్ చేశాను. కార్తీక దీపం నెక్స్ట్ షెడ్యూల్ కోసం రెడీ అయ్యి కూర్చున్నాను. జైలుకు వెళ్లినట్లు పెట్టారు.. జైలుకు వెళ్లొచ్చాక నా రీఎంట్రీ మళ్ళీ ఉంటుందని ఆశించాను.కానీ నా పాత్రను తొలగించినట్టు చెప్పారు.నాకు నమ్మబుద్ధి కాలేదు. తర్వాత అసలు విషయాన్ని తెలియజేశారు. నా పాత్ర వల్ల కథ అలా మలుపు తిరిగింది.
కథ ఇంకా ఆసక్తికరంగా సాగాలి అంటే నా పాత్రను సైడ్ చెయ్యాలి.వేరే ఆప్షన్ లేదు.కథ ప్రకారం మోనిత గురించి కార్తీక్ అలియాస్ డాక్టర్ బాబుకి అన్ని విషయాలు తెలిసిపోయాయి కాబట్టి.. ఇప్పుడు అతన్ని మభ్యపెట్టే అవకాశం లేదు. అందుకే లీడ్ రోల్స్ ను మరింత ఇబ్బంది పెట్టేందుకు మోనిత స్నేహితురాలు అయిన చారుశీలని రంగంలోకి దించారు.ఇప్పుడు కథ మరింత ఇంట్రెస్టింగ్ గా సాగుతుంది. నా పాత్ర మళ్ళీ ఎంట్రీ ఇచ్చినప్పుడు అందరికీ మరింత మజా వస్తుంది” అంటూ తెలియజేసింది.
అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?
2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!
Home