యంగ్ హీరో నిఖిల్ నటించిన ‘కార్తికేయ2’ సినిమాను తెలుగుతో పాటు బాలీవుడ్ లో కూడా రిలీజ్ చేశారు. వాయిదాల మీద వాయిదాలు పడ్డ ఈ సినిమా ఫైనల్ గా ఆగస్టు 13న ప్రేక్షకుల ముందుకొచ్చింది. ఆలస్యంగా విడుదలైనా.. బాక్సాఫీస్ వద్ద హిట్ గా నిలిచింది ఈ సినిమా. 2014లో విడుదలైన ‘కార్తికేయ’ సినిమాకి ఇది సీక్వెల్. ఈ సినిమా సూపర్ హిట్ అవ్వడంతో దర్శకుడు చందు మొండేటిపై ప్రశంసల వర్షం కురిపిస్తున్నారు.
తెలుగుతో పాటు బాలీవుడ్ ప్రేక్షకులు కూడా ఈ సినిమాకి బ్రహ్మరథం పడుతున్నారు. హిందీలో బిగ్ స్క్రీన్లపై ‘కార్తికేయ2’ హవా ఓ రేంజ్ లో నడుస్తోంది. మొదటిరోజు ఈ సినిమాను 50 స్క్రీన్లలో విడుదల చేశారు. ఆ తరువాత మెల్లగా స్క్రీన్స్ నెంబర్ పెరిగిపోయింది. కృష్ణుడి గొప్పతనం, పరమాత్మ చెప్పిన సందేశాన్ని ఎలివేట్ చేసి చూపించిన తీరుకి ఆడియన్స్ ఫిదా అవుతున్నారు. ప్రేక్షకుల నుంచి విపరీతమైన స్పందన వస్తుండడంతో రోజురోజుకి స్క్రీన్ల సంఖ్య పెంచుకుంటూ పోతున్నారు.
శుక్రవారం నాటికి వెయ్యికి పైగా స్క్రీన్లలో ‘కార్తికేయ 2’ సినిమా ఆడుతుండడంతో విశేషం. అంటే ఈ సినిమాకి ఏ రేంజ్ లో క్రేజ్ వచ్చిందో అర్ధం చేసుకోవచ్చు. రీసెంట్ గా విడుదలైన బాలీవుడ్ సినిమాలు ‘లాల్ సింగ్ చద్దా’, ‘రక్షాబంధన్’ సినిమాలను మించి మరీ ‘కార్తికేయ 2’ సినిమా దూసుకుపోతుంది.
ఈరోజు కృష్ణాష్టమి సందర్భంగా స్క్రీన్ల సంఖ్య మరింత పెరిగే ఛాన్స్ ఉందని అంటున్నారు. మొత్తానికి ఈ సినిమాతో నిఖిల్ కి నేషనల్ వైడ్ గా గుర్తింపు దక్కింది. ఎలాంటి అంచనాలు లేకుండా బాలీవుడ్ లో విడుదలైన ఈ సినిమా ఇప్పుడు సూపర్ హిట్ టాక్ తో దూసుకుపోతుంది. ఫ్యూచర్ లో కూడా నిఖిల్ సినిమాలు బాలీవుడ్ లో విడుదలవుతాయేమో చూడాలి!
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
