’90.ఎం.ఎల్’ విడుదల ఆగిపోయినట్టేనా?

‘ఆర్.ఎక్స్.100′ హీరో కార్తికేయ నటిస్తున్న తాజా చిత్రం ’90.ఎం.ఎల్’. శేఖర్ రెడ్డి డైరెక్షన్లో తెరకెక్కిన ఈ చిత్రాన్ని ‘కార్తికేయ క్రియేటివ్ వర్క్స్’ బ్యానర్ అశోక్ రెడ్డి కుమ్మకొండ నిర్మించాడు. అనూప్ రూబెన్స్ సంగీతం దర్శకుడు. ఇప్పటికే విడుదల చేసిన టీజర్, ట్రైలర్ లకు మంచి రెస్పాన్స్ వచ్చింది. దీంతో ఈ చిత్రం పై మంచి అంచనాలు ఏర్పడ్డాయి. ఈ చిత్రాన్ని డిసెంబర్ 5న విడుదల చేస్తున్నట్టు దర్శక నిర్మాతలు ఇప్పటికే అధికారిక ప్రకటన చేసేసారు. అయితే ఈ చిత్రం విడుదల వాయిదా పడే అవకాశం ఉందనేది తాజా సమాచారం.

దీనికి ప్రధాన కారణం సెన్సార్ బోర్డు వారు ఈ చిత్రానికి క్లియరెన్స్ ఇవ్వకపోవడమే అని తెలుస్తుంది. ఈ చిత్రంలో మందు తాగకపోతే హీరో చనిపోతాడు అనే అంశానికి సంబందించి సెన్సార్ వారు కొన్ని అభ్యంతరాలు తెలుపుతున్నట్టు ఇన్సైడ్ టాక్. ఇదిలా ఉండగా ఈరోజు సాయంత్రానికి సెన్సార్ వారు క్లియరెన్స్ ఇస్తే డిసెంబర్ 6న(శుక్రవారం) లేదా డిసెంబర్ 7న(శనివారం0 విడుదల చేసే అవకాశం ఉంటుందని తెలుస్తుంది. మరి ఈ వార్తలో ఎంతవరకూ నిజముందో తెలియాల్సి ఉంది.

అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!