కోట్లు ఖరీదు చేసే ఫ్లాట్ కొనుగోలు చేసిన కశ్మీర్ ఫైల్స్ డైరెక్టర్!

October 5, 2022 / 01:02 AM ISTByFilmy Focus

Join Us

కోట్లు ఖరీదు చేసే ఫ్లాట్ కొనుగోలు చేసిన కశ్మీర్ ఫైల్స్ డైరెక్టర్!

సాధారణంగా సినిమా ఇండస్ట్రీలో ఉండే సెలెబ్రెటీలు పెద్ద ఎత్తున ఆస్తులను కూడా పెడుతూ ఉంటారు. ఈ క్రమంలోనే ఖరీదైన ఫ్లాట్స్, అపార్ట్మెంట్లను కొనుగోలు చేస్తూ డబ్బులను పెట్టుబడిగా పడుతుంటారు. ముఖ్యంగా బాలీవుడ్ ఇండస్ట్రీకి చెందిన సెలబ్రిటీలు ఖరీదైన బంగ్లాలను కొనుగోలు చేయడంలో ముందుంటారు. ఈ క్రమంలోనే ఇప్పటికీ ఎంతో మంది సెలబ్రిటీలు ఖరీదైన ప్రాంతంలో కోట్లు విలువ చేసే అపార్ట్మెంట్లను కొనుగోలు చేస్తున్న విషయం మనకు తెలిసిందే.

ఈ క్రమంలోనే ది కశ్మీర్ ఫైల్స్ సినిమా ద్వారా ఎంతో మంచి గుర్తింపు సంపాదించుకున్నారు డైరెక్టర్ వివేక్ అగ్నిహోత్రి. చిన్న సినిమాగా ప్రేక్షకుల ముందుకు వచ్చినటువంటి ఈయన ఈ సినిమాతో ఎంతో అద్భుతమైన విజయాన్ని సొంతం చేసుకోవడమే కాకుండా ఎంతో పేరు ప్రఖ్యాతలు సంపాదించుకున్నారు. ఇక ఈ సినిమా విజయవంతం కావడంతో ఈయన సోషల్ మీడియాలో కూడా ఎంతో యాక్టివ్ గా ఉండి తరచూ సినిమాలకు సంబంధించిన విషయాలపై తన అభిప్రాయాలను తెలియజేస్తూ ఉంటారు.

ఇదిలా ఉండగా తాజాగా ఈయనకు సంబంధించిన ఓ వార్త బాలీవుడ్ ఇండస్ట్రీలో చెక్కర్లు కొడుతోంది. డైరెక్టర్ వివేక్ అగ్నిహోత్రి ముంబైలోని అందేరిలోని వెర్శివా ప్రాంతంలో 30వ అంతస్తులో ఉన్నటువంటి ఒక అపార్ట్మెంట్ ను కొనుగోలు చేసినట్టు తెలుస్తోంది. ఈ అపార్ట్మెంట్ 3258 చదరపు అడుగుల విస్తీర్ణంలో, అన్ని సౌకర్యాలతో నిర్మించబడి ఉందని తెలుస్తోంది.ఇలా ఎంతో విలాసవంతమైన ఈ ఇంటిని డైరెక్టర్ ఏకంగా 18 కోట్లకు కొనుగోలు చేసినట్టు సమాచారం.

ఇక ఈ అపార్ట్మెంట్లో మరొక విశేషం ఏమిటంటే ఈయన కొనుగోలు చేసిన పై అపార్ట్మెంట్లోని బిగ్ బీ అమితాబ్ బచ్చన్ కూడా మరొక అపార్ట్మెంట్ కొనుగోలు చేసినట్టు తెలుస్తుంది. ఇలా అమితాబ్ ఇంటికి దగ్గరగా అన్ని సౌకర్యాలతో విలాసవంతమైనట్టు భవనాన్ని కొనుగోలు చేశారని ఇప్పటికే ఈ భవనానికి సంబంధించి రిజిస్ట్రేషన్ పనులు కూడా పూర్తి అయినట్లు బీ టౌన్ మీడియాలో చక్కర్లు కొడుతుంది.