డాలీ దర్శకత్వంలో పవర్ స్టార్ పవన్ కళ్యాణ్ నటిస్తున్న కాటమరాయుడు షూటింగ్ వేగంగా జరుగుతోంది. ఇందులో పవన్ ఫ్యాక్షన్ లీడర్ గా ఓ వైపు భారీ ఫైట్స్ చేస్తూ, మరో వైపు హీరోయిన్లు శృతిహాసన్, యామిని భాస్కర్ లతో ప్రేమాయణం సాగించనున్నారు. రాయల సీమ నేపథ్యంలో సాగే ఈ చిత్రాన్ని ముందుగా మార్చి 31న రిలీజ్ చేయాలని నిర్మాత శరత్ మరార్ అనుకున్నారు. అయితే ఉగాది 29 న వస్తుండడంతో.. పండుగను పురస్కరించుకొని అదే రోజు కాటమరాయుడు ని విడుదల చేయాలని డిసైడ్ అయ్యారు.
అనూప్ రూబెన్స్ సంగీతమందిస్తున్న ఈ మూవీ టీజర్ ని దీపావళికి రిలీజ్ చేయాలని చిత్ర బృందం భావిస్తోంది. అందుకు తగినట్లుగా శ్రమిస్తోంది. షూటింగ్ పూర్తి కాకముందే చిత్రం శాటిలైట్ హక్కులు 15 కోట్లకు అమ్ముడు పోయి కాటమరాయుడు రికార్డు సృష్టించాడు. మరి థియేటర్లలో ఎటువంటి హంగామా చేస్తాడో తెలుసుకోవాలంటే ఉగాది వరకు ఆగాల్సిందే.
