ఓవర్సీస్ లో కాటమరాయుడు పదిరోజుల కలక్షన్స్

సర్దార్ గబ్బర్ సింగ్ ఫెయిల్ అయినప్పటికీ ఆ ప్రభావం కాటమరాయుడుపై పడలేదు. పవర్ స్టార్ పవన్ కళ్యాణ్ నటించిన తాజా చిత్రం కాటమరాయుడు గత నెల 24 న రిలీజ్ అయి కలక్షన్ల వర్షం కురిపిస్తోంది. డాలీ దర్శకత్వంలో రూపుదిద్దుకున్న ఈ మూవీ విడుదలైన అన్ని థియేటర్లలో హౌస్ ఫుల్ తో భారీ వసూళ్లను రాబడుతోంది. నార్త్ స్టార్ ఎంటర్ టైన్ మెంట్స్ పతాకంపై శరత్ మరార్ నిర్మించిన ఈ మూవీ తెలుగు రాష్ట్రాలతో పాటు ఓవర్సీస్ లోను మంచి వసూళ్లను రాబట్టింది. ఓవర్సీస్‌లో 300 స్క్రీన్లలో విడుదలైన కాటమరాయుడు మొదటి వీకెండ్‌లో మిలియన్ డాలర్ల మార్కుకు చేరువయ్యాడు.

ఇక రెండో వీకెండ్ ముగిసేసరికి  (ఈ ఆదివారం నాటికి)  1.13 మిలియన్ డాలర్లను వసూలు చేసాడు. 24 నుంచి ఏప్రిల్ 2 నాటికి సరిగ్గా పది రోజుల్లో 13 మిలియన్ డాలర్ల(దాదాపు 7.38 కోట్లు)ను కొల్లగొట్టి పవన్ సత్తాని మరోసారి ఈ సినిమా చాటింది. మరికొన్ని రోజుల్లో అత్తారింటికి దారేది కలెక్ట్ చేసిన 1.90 మిలియన్ డాలర్ల మార్క్ ని చేరుకుంటుందని అక్కడి ట్రేడ్ వర్గాల వారు అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.