ఇప్పుడు బాలీవుడ్ స్టార్ హీరోయిన్ గా రాణిస్తున్న కత్రీనా కైఫ్ కు.. లైఫ్ ఇచ్చింది మన టాలీవుడ్.. అన్న సంగతి దాదాపు అందరికీ తెలిసిందే. ఈమె వెంకటేష్ తో నటించిన ‘మల్లీశ్వరి’ చిత్రం బ్లాక్ బస్టర్ అవ్వడం వల్లనే.. బాలీవుడ్లో ఈమెకు వరుస అవకాశాలు వచ్చాయి. ఆ టైములో తెలుగులో బాలకృష్ణ హీరోగా జయంత్.సి.పరాన్జీ డైరెక్షన్లో తెరకెక్కిన ‘అల్లరి పిడుగు’ చిత్రంలో కూడా ఈమె నటించింది. ఆ చిత్రం పెద్ద డిజాస్టర్ అవ్వడంతో మళ్ళీ ఈ బ్యూటీ తెలుగు సినిమాల్లో నటించలేదు.
అయినప్పటికీ ‘బాలకృష్ణ నా గురువు’ అంటుంది ఈ బ్యూటీ. ఇటీవల ఆమె పాల్గొన్న ఓ ఇంటర్వ్యూలో భాగంగా ఆమె ఈ కామెంట్స్ చేసింది. వివరాల్లోకి వెళితే.. “నేను కెరీర్ ప్రారంభించిన కొత్తలో నా డ్యాన్స్ చూసి చాలా మంది నవ్వుకునే వాళ్ళు. యాక్టింగ్ అంటే ఏదో మేనేజ్ చేసేదాన్ని కానీ.. డ్యాన్స్ విషయంలో మాత్రం దొరికిపోయేదాన్ని. అలాంటి టైంలో బాలకృష్ణ గారి ‘అల్లరి పిడుగు’ సినిమాలో ఛాన్స్ లభించింది. ఆ సినిమాలోని ఓ సాంగ్ చిత్రీకరణ టైములో బాలకృష్ణ గారు చాలా ఫాస్ట్ గా డ్యాన్స్ చేసేస్తున్నారు.
నేను మాత్రం చెయ్యలేకపోతున్నాను. అప్పుడు బాలకృష్ణ గారు నా బాధని అర్థం చేసుకుని.. డ్యాన్స్ లో మెళుకువలు నేర్పించారు. ఆయన చెప్పిన టిప్స్ పాటించడం వల్లే ఈరోజు నేను మంచి డ్యాన్సర్ గా కూడా పేరు తెచ్చుకోగలిగాను. టాలీవుడ్ నాకు చాలా నేర్పింది. అక్కడి హీరోలు కూడా చాలా మంచోళ్ళు” అంటూ చెప్పుకొచ్చింది కత్రినా కైఫ్.
Most Recommended Video
చిరంజీవి, బాలకృష్ణలు తలపడిన 15 సందర్భాలు!
తమ ఫ్యామిలీస్ తో సీరియల్ ఆర్టిస్ట్ ల.. రేర్ అండ్ అన్ సీన్ పిక్స్..!
ఇప్పటివరకూ అత్యధిక కలెక్షన్లను రాబట్టిన తెలుగు సినిమాలు ఇవే!
Home