తెలుగులో చేసింది తక్కువ సినిమాలే అయినా కత్రినా కైఫ్ కు ప్రేక్షకుల్లో ఉన్న ఫ్యాన్ ఫాలోయింగ్ అంతాఇంతా కాదు. తొలి సినిమా మల్లీశ్వరికే తెలుగులో కత్రినా కైఫ్ రికార్డు స్థాయిలో పారితోషికం తీసుకున్నారు. ఆ తర్వాత కత్రినా కైఫ్ అల్లరి పిడుగు సినిమాలో తెలుగులో నటించినా ఆ సినిమా విజయాన్ని అందుకోలేదు. ఆ తర్వాత బాలీవుడ్ లో ఆఫర్లు రావడం అక్కడ నటించిన సినిమాలు సక్సెస్ కావడంతో కత్రినా కైఫ్ పూర్తిస్థాయిలో బాలీవుడ్ కు పరిమితమయ్యారు.
బాలీవుడ్ లో కత్రినా కైఫ్ ఎన్నో సంచలన విజయాలను సొంతం చేసుకోవడంతో పాటు రికార్డు స్థాయిలో రెమ్యునరేషన్ అందుకున్నారు. ఈ నెల 9వ తేదీన విక్కీ కౌశల్ కత్రినా కైఫ్ పెళ్లి ఘనంగా జరిగింది. విక్కీ కత్రినాల వివాహ వేడుకకు పరిమిత సంఖ్యలో సెలబ్రిటీలు హాజరయ్యారు. అయితే కత్రినా పెళ్లి సందర్భంగా ఆమె నిశ్చితార్థపు ఉంగరానికి సంబంధించి ఒక ఆసక్తికర విషయం వెలుగులోకి వచ్చింది.
ఈ డైమండ్ రింగ్ విలువ ఏకంగా ఏడున్నర లక్షల రూపాయలు అని సమాచారం. గతంలో బ్రిటన్ యువరాణి ప్రిన్సెస్ డయానా నిశ్చితార్థం సమయంలో ధరించిన ఉంగరం లాంటి ఉంగరాన్ని కత్రినా కైఫ్ కూడా సొంతం చేసుకున్నారని బాలీవుడ్ మీడియా వర్గాల సమాచారం. అయితే కత్రినా ధరించిన చీర విలువ మాత్రం కేవలం 56, 000 రూపాయలు అని తెలుస్తోంది. కత్రినా మెడలో ఉన్న మంగళ సూత్రం విలువ కూడా లక్షల్లోనే ఉంటుందని తెలుస్తోంది.
మరోవైపు అమెజాన్ ప్రైమ్ కత్రినా విక్కీల వెడ్డింగ్ హక్కులను 80 కోట్ల రూపాయలు ఖర్చు చేసి కొనుగోలు చేసిందని వార్తలు వచ్చాయి. అయితే ఈ వార్త గురించి కత్రినా కైఫ్ విక్కీ కౌశల్ ఇప్పటివరకు స్పందించి వివరణ ఇవ్వలేదు. రాజస్థాన్ రాష్ట్రంలోని సిక్స్ సెన్సెస్ ఫోర్ట్ బర్వారా హోటల్ లో కత్రినా విక్కీల వివాహం అంగరంగ వైభవంగా జరిగింది. పెళ్లి తర్వాత కూడా కత్రినా కైఫ్ సినిమాల్లో కొనసాగుతారని తెలుస్తోంది.
1
2
3
4
5
6
7
More…
1
2
3
4
5
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
Home