‘సలార్’ కోసం బాలీవుడ్ బ్యూటీ!

January 17, 2021 / 08:39 PM ISTByFilmy Focus

Join Us

‘బాహుబలి’ సినిమాతో ప్రభాస్ పాన్ ఇండియా స్టార్ గా ఎదిగాడు. ఈ సినిమా తరువాత నుండి ప్రభాస్ అన్నీ పాన్ ఇండియా కథలనే ఓకే చేస్తున్నాడు. అతడు నటిస్తోన్న సినిమాల్లో తప్పనిసరిగా బాలీవుడ్ బ్యూటీ కనిపించాల్సిందే. సినిమాకి పాన్ ఇండియా అప్పీల్ రావాలంటే కచ్చితంగా బాలీవుడ్ బ్యూటీ ఉండాల్సిందేననే మేకర్లు భావిస్తున్నారు. ఇందులో భాగంగా ప్రభాస్ తాజాగా మొదలుపెట్టిన ‘సలార్’ కోసం కూడా ఓ బాలీవుడ్ బ్యూటీని ఫిక్స్ చేశారు. తాజా సమాచారం ప్రకారం.. ‘సలార్’లో ప్రభాస్ సరసన హీరోయిన్ గా కత్రినా కైఫ్ ను తీసుకోబోతున్నారట.

త్వరలోనే ఆమె పేరుని ప్రకటించబోతున్నారని సమాచారం. కత్రినాకి బాలీవుడ్ లో విపరీతమైన క్రేజ్ ఉంది. ఆ క్రేజ్ ను ‘సలార్’ కోసం వాడుకోవాలని దర్శకనిర్మాతలు భావిస్తున్నారు. ఇప్పటికే ‘సలార్’లో విలన్ పాత్ర కోసం జాన్ అబ్రహాంను సంప్రదించారు. దాదాపు అతడినే విలన్ గా ఫైనల్ చేసే ఛాన్స్ ఉంది. త్వరలోనే సెట్స్ పైకి రాబోతున్న ‘ఆదిపురుష్’ సినిమాలో కృతి సనన్ ని హీరోయిన్ గా తీసుకున్నారు. అలానే నాగ్ అశ్విన్ సినిమాలో చేయబోతున్న సినిమా కోసం దీపికా పదుకోన్ ను హీరోయిన్ గా లాక్ చేశారు.

ఇదే క్రమంలో ఇప్పుడు ప్రభాస్ ‘సలార్’ కోసం కత్రినాను ఫైనల్ చేయాలనుకుంటున్నారు. గతంలో వెంకటేష్, బాలకృష్ణ లాంటి టాలీవుడ్ హీరోల సరసన నటించిన కత్రినా ఆ తరువాత పూర్తిగా బాలీవుడ్ కే పరిమితమైంది. మళ్లీ ఇంతకాలానికి ప్రభాస్ సినిమాతో తెలుగు ప్రేక్షకులను ఎంటర్టైన్ చేయబోతుంది.