బిగ్ బాస్ హౌస్ ఇప్పుడు ఎమోషనల్ హౌస్ గా మారిపోయింది. హౌస్ మేట్స్ బేబీ సిసింద్రీ టాస్క్ అవ్వగానే తమ మనసులో మాటల్ని షేర్ చేస్కున్నారు. కీర్తిభట్ తన లైఫ్ స్టోరీని చెప్తుంటే హౌస్ మేట్స్ అందరూ విషాదంలో మునిగిపోయారు. అంతేకాదు, ప్రతి ఒక్కరూ కూడా కళ్లనీళ్లు పెట్టుకుని కరిగిపోయారు. తన లైఫ్ లో ఒక పెద్ద యాక్సిెడంట్ తో అమ్మా, నాన్న, అన్నా , వదినా , చిన్నపాప అందర్నీ పోగొట్టుకున్నానని చెప్పింది. దెబ్బలు బాగా తగిలి కొద్దిగా సృహ వచ్చిన తర్వాత నాన్న బ్రతికే ఉన్నారన్న ఆలోచన వచ్చిందని, కానీ, ఆ టైమ్ లో నాన్న చనిపోయినట్లుగా అత్తయ్య గట్టిగా ఏడ్చేసరికి అర్ధమైందని చెప్పింది.
దాదాపుగా 32రోజుల పాటు కోమాలో ఉన్నాను. ఆ తర్వాత ఇంటికి వచ్చి ఆరునెలల వరకూ కూడా కోలుకోలేకపోయాను. స్ట్రచెర్ పట్టుకుని నడిచినప్పుడల్లా చాలా బాధ అనుభవించాను. ఫైనల్ గా కోలుకుని వచ్చినా కూడా ఇంట్లో ఉన్న బంధువలకి అస్సలు ఆనందం లేదు. నాకు ఆస్తి ఇవ్వకపోగా ఎన్నో మాటలు అన్నారు. అక్కడ ఉండాలని అనిపించలేదు. బెంగుళూర్ వచ్చేశాను. కేవలం 750రూపాయలతో కట్టుబట్లతో బెంగుళూర్ వచ్చి ఆకలి వేస్తుంటే కుక్కకి వేసిన బన్ కూడా తిన్నాను. ఆ తర్వాత స్నేహితులతో కలిసి హాస్టల్ లో ఉంటూనే కాల్ సెంటర్ లో ఉద్యోగం సంపాదించాను.
కానీ, కాల్ సెంటర్ వాళ్లు నా సర్టిఫికేట్స్, ఇంకా ఐడెంటిటీ అడిగినప్పుడల్లా ఏదో ఒక సాకు చెప్పేదాన్ని. ఆ తర్వాత ఒక ఇన్ స్టిట్యూట్ నుంచీ పాపని దత్తత తీస్కున్నాను. మోడలింగ్ చేస్తూనే సీరియల్స్ లో ఆఫర్ వస్తే యాక్టింగ్ కెరియర్ లోకి అడుగుపెట్టాను. అంతా బాగుంది అనుకున్న టైమ్ లో లాక్డౌన్ వచ్చింది. ఆ లాక్డౌన్ లో ఎన్నో బాధలు పడ్డాను. ఆ తర్వాత వచ్చిన అవకాశాన్ని అందిపుచ్చుకుంటూ ఇక్కడి వరకూ వచ్చాను. బిగ్ బాస్ క్వారైంటైన్ లోకి వచ్చే ముందే నేను పెంచుకుంటున్న పాప కూడా చనిపోయిందని ఎంతో బాధపడుతూ చెప్పింది కీర్తి.
ఎప్పట్నుంచో తనకి హెల్త్ ప్రాబ్లమ్ ఉండేదని, హాస్పిటల్ లో ఒకటి రెండుసార్లు సర్జరీ కూడా చేయించాను అని, ఎంతో మనీ కూడా ఖర్చుపెట్టినా కూడా పాప నన్ను విడిచి వెళ్లిపోయిందని చెప్పుకుంటూ వచ్చింది. కీర్తి స్టోరీ విన్న హౌస్ మేట్స్ అందరూ ఒక్కసారిగా షాక్ అయ్యారు. తను పెంచుకుంటున్న తనుభట్ కూడా ఇక లేదని తెలిసి కన్నీళ్లు ఆపుకోలేకపోయారు. ప్రస్తుతం కీర్తి తన స్టోరీ చెప్పిన వీడియో యూట్యూబ్ లో హల్ చల్ చేస్తోంది.
అంతేకాదు, గతంలో ఇచ్చిన ఇంటర్య్వూలలో కూడా ఎక్కడా తన పాప చనిపోయిందని కీర్తి చెప్పలేదు. బిగ్ బాస్ హౌస్ లోకి వచ్చే ముందే పాప చనిపోయిందని తెలిసిందని చెప్పింది కీర్తి. కీర్తి స్టోరీ విన్న హౌస్ మేట్స్ అందరూ కన్నీళ్లు పెట్టుకుని ఏడ్చేశారు. బాలాదిత్య కీర్తి దగ్గరకి వచ్చి ఓదార్చే ప్రయత్నం చేశాడు. ఇలా సింపతీతో నన్ను చూడద్దని, నన్ను ఒక కంటెస్టెంట్ గానే చూడమని క్లారిటీ ఇచ్చింది కీర్తి. ఈ ఎపిసోడ్ ఆడియన్స్ చూసిన తర్వాత కీర్తికి ఎలాంటి మద్దతు ఇస్తారు అనేది ఆసక్తికరం.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
Home