రిస్క్ చేస్తోన్న స్టార్ హీరోయిన్..?

October 29, 2020 / 01:31 PM IST

Join Us

‘మహానటి’ సినిమా తరువాత కీర్తి సురేష్ ఎంత పాపులారిటీ దక్కించుకుందో ప్రత్యేకంగా చెప్పనక్కర్లేదు. ఈ సినిమా తరువాత ఆమెకి వరుసగా లేడీ ఓరియెంటెడ్ కథల్లో నటించే అవకాశాలు వస్తున్నాయి. ఈ క్రమంలో ఆమె ఎన్నుకున్న కొన్ని కథలు ప్రేక్షకులను నిరాశ పరిచాయి. ఓటీటీలో రిలీజైన ‘పెంగ్విన్’ సినిమాపై మంచి అంచనాలు ఉండేవి. కానీ ఆ సినిమా అంచనాలను అందుకోలేకపోయింది. అలానే ఆమె సినిమాలన్నీ కూడా వరుసగా ఓటీటీ వేదికలపైకి వచ్చేస్తున్నాయి. దీంతో ఆమె క్రేజ్ కాస్త తగ్గిందనే చెప్పాలి.

ఇలాంటి సమయంలో కీర్తి సురేష్ తీసుకున్న ఓ నిర్ణయం ఆమె అభిమానులకు ఆగ్రహాన్ని కలిగిస్తోంది. ఇంతకీ ఆమె తీసుకున్న నిర్ణయం ఏంటంటే.. చిరంజీవి సినిమాలో అతడికి చెల్లెలి పాత్రలో నటించడమే. మెగాస్టార్ చిరంజీవి.. మెహర్ రమేష్ దర్శకత్వంలో వేదాళం సినిమా రీమేక్ లో నటించనున్నారు. ఈ సినిమాలో చిరుకి చెల్లెలుగా నటించడానికి కీర్తి సురేష్ ఒప్పుకుందట. దీంతో అభిమానులు ఆమెపై ఫైర్ అవుతున్నారు. చిరంజీవి సినిమాలో అతడికి చెల్లెలిగా నటిస్తే..

మెగా కాంపౌండ్ లో హీరోలకు కీర్తి సురేష్ దూరమయ్యే ఛాన్స్ ఉందని అభిమానులు వాదిస్తున్నారు. బన్నీ, చరణ్ లాంటి హీరోలు ఆమె కన్సిడర్ చేయకపోవచ్చని జోస్యం చెబుతున్నారు. అలానే హీరోయిన్ గా కెరీర్ పీక్ స్టేజ్ లో ఉన్నప్పుడు చెల్లెలి పాత్రలు అవసరమా అని ప్రశ్నిస్తున్నారు. మరి ఫ్యాన్స్ అడుగుతున్న ఈ ప్రశ్నలకు కీర్తి స్పందిస్తుందేమో చూడాలి!