‘మహానటి’ అనే ఒక్క చిత్రంతో రాత్రికి రాత్రి స్టార్ హీరోయిన్ అయిపోయింది కీర్తి సురేష్. ఇప్పుడు ఆమె అనుభవిస్తున్న స్టార్ స్టేటస్.. ‘మహానటి’ వల్ల దక్కినదే. అంతేకాదు ఉత్తమ నటి కేటగిరిలో నేషనల్ అవార్డుని కూడా కైవసం చేసుకుంది. నిజానికి ‘మహానటి’ తరువాత కీర్తి సురేష్ ఆ స్థాయి విజయాన్ని అందుకోలేకపోయింది. అలా అని ఈమెకు అవకాశాలు ఎంత మాత్రం తగ్గలేదు.ఇప్పుడు ఆమె ఏకంగా రజినీ కాంత్, మహేష్ బాబు వంటి సూపర్ స్టార్ల సినిమాల్లో నటిస్తూ బిజీగా గడుపుతోంది.
ఇదిలా ఉండగా.. తాజాగా ‘మహానటి’ మూవీకి సంబంధించి కొన్ని సీక్రెట్స్ ను రివీల్ చేసింది కీర్తి సురేష్. నిజానికి నానితో ‘నేను లోకల్’ చేస్తున్న టైంలోనే కీర్తి సురేష్ కు ‘మహానటి’ అవకాశం వచ్చిందట. అయితే ‘సావిత్రి గారి పాత్ర చేసేంత అర్హత నేను ఇంకా సంపాదించుకోలేదు’ అంటూ ఈమె హీరో నాని దగ్గర కంగారు పడిందట.దానికి నాని ‘వచ్చిన ఏ అవకాశాన్ని మిస్ చేసుకోవద్దు’ అంటూ ధైర్యం చెప్పినట్టు ఓ సందర్భంలో చెప్పుకొచ్చింది కీర్తి సురేష్.
అయితే మొండి ధైర్యంతో ఆడిషన్ కు వెళ్ళినప్పటికీ కీర్తి సురేష్ లో కంగారు మాత్రం తగ్గలేదట. అయితే దర్శకుడు నాగ్ అశ్విన్ ఇచ్చిన ధైర్యంతోనే ఆ పాత్రలో నటించడం వీలైందని కీర్తి సురేష్ తెలియజేసింది. ఆ టైములో కీర్తి సురేష్‌కు లుక్ టెస్ట్ కూడా చేశారట. ఆ జ్ఞాపకాల్ని కూడా కీర్తి తాజాగా అభిమానులతో పంచుకుంది. లుక్ టెస్ట్ లో పాల్గొన్న ఫోటోని కీర్తి తన ఇన్స్టాలో షేర్ చేస్తూ.. ‘హహ.. లుక్ టెస్ట్ చేసిన మొదటి రోజు.. ఈ ఫోటో వెనుక చాలా జ్ఞాపకాలు ఉన్నాయి’ అంటూ రాసుకొచ్చింది.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
