తమిళంలో ఆయనొక్కడే పెండింగ్!

ప్రస్తుతం ఫుల్ ఫామ్ లో ఉన్న హీరోయిన్ ఎవరు అని అడిగితే తెలుగు, తమిళ ప్రేక్షకులు ముక్తకంఠంతో చెప్పే పేరు “కీర్తి సురేష్”. తమిళంలో విజయ్, శివకార్తికేయన్, సూర్య వంటి స్టార్ హీరోలలందరి సరసన కథానాయికగా నటించిన కీర్తిసురేష్.. తెలుగులోనూ నాని, రామ్, పవన్ కళ్యాణ్ ల సరసన నటిస్తూ ఇక్కడ కూడా స్టార్ డమ్ అందుకొంది. ప్రస్తుతం కీర్తి తనకు కావాలంటే తనకు కావాలని యంగ్ హీరోస్ అందరూ క్యూ కడుతున్నారు.

అయితే.. ప్రస్తుతం తమిళనాడులో ఉన్న యంగ్ స్టార్ హీరోస్ లో కీర్తి నటించనిది ఒక్క అజిత్ తోనే. ఇప్పుడు ఆ సదవకాశాన్ని కూడా సొంతం చేసుకొందని తెలుస్తోంది. అజిత్ తో ఆల్రెడీ “వీరం, వేదాలమ్, వివేగం” చిత్రాలు తెరకెక్కించిన శివ దర్శకత్వంలో అజిత్ నటిస్తున్న నాలుగో చిత్రం “విశ్వాసం”. పల్లెటూరి బ్యాక్ డ్రాప్ లో రూపొందుతున్న సినిమా కావడంతో.. ఈ చిత్రంలో కథానాయిక చాలా హోమ్లీగా ఉండాలని భావించిన శివ ప్రెజంట్ క్రేజ్ ను దృష్టిలో ఉంచుకొని కీర్తి సురేష్ ను ఫైనల్ చేశాడట. ఈ ప్రొజెక్ట్ కన్ఫర్మ్ అయితే.. తమిళనాట రజనీకాంత్, కమల్ హాసన్ మినహా అందరి సూపర్ స్టార్స్ తోనే నటించిన ఘనత కీర్తి సొంతమవుతుంది.