మహానటి సావిత్రి బయోపిక్ లో నటించనున్న కీర్తి

తెలుగు చిత్రాలు ఉన్నంతవరకు నిలిచిపోయే నటి సావిత్రి. ఆ మహానటి నేటి కథానాయికలు ఎంతోమందికి ఆదర్శం. ఆమె జీవితంపై అందమైన  చిత్రాన్ని తెరకెక్కించాలని యంగ్ డైరెక్టర్ నాగ్ అశ్విన్ ఎప్పటినుంచో ప్రయత్నిస్తున్నారు. స్క్రిప్ట్ వర్క్  పూర్తి చేసి ఆ పాత్రను పోషించే నటి కోసం వెతుకున్నారు. ప్రముఖ నిర్మాత అశ్వినీదత్ ఏకకాలంలో మూడు భాషల్లో నిర్మించనున్న ఈ ఫిల్మ్ కోసం పలు హీరోయిన్ల పేర్లను పరిశీలించారు. బాలీవుడ్ నటి విద్యాబాలన్, అభినయ సుందరి నిత్యా మీనన్ లను సంప్రదించారు. కొన్ని కారణాల వల్ల వారిని పక్కన పెట్టారు.

కొన్ని రోజుల క్రితం క్యూట్ బ్యూటీ సమంత పేరు కూడా వెలుగులోకి వచ్చింది. బరువు పెరగాలని చెప్పడంతో ఆమె కూడా ఈ ప్రాజక్ట్ నుంచి తప్పుకుంది. తాజాగా సావిత్రి పాత్రకు మలయాళ బ్యూటీ కీర్తి సురేష్ ని ఎంపిక చేసినట్లు తెలిసింది. నేను శైలజ చిత్రం ద్వారా తెలుగు ప్రేక్షకులకు దగ్గరైన ఈ భామ సావిత్రి పాత్రకు సరిగ్గా సూట్ అవుతుందని సెలక్ట్ చేశారు. ప్రస్తుతం కీర్తి నేచురల్ స్టార్ నాని తో నేను లోకల్ మూవీలో నటిస్తోంది. దీని తర్వాత పవర్ స్టార్ పవన్ కళ్యాణ్ సరసన కనిపించనుంది. ఈ మూవీ కూడా కంప్లీట్ అయిపోయిన తర్వాత మహానటి బయోపిక్ లో నటించనున్నట్లు ఫిల్మ్ నగర్ వాసులు చెబుతున్నారు.

Also, do SUBSCRIBE to our YouTube channel to get latest Tollywood updates.