Keerthy Suresh: మరో క్రేజీ ఛాన్స్ పట్టేసిన మహానటి!

‘మహర్షి’ లాంటి హిట్ సినిమా తీసినప్పటికీ దర్శకుడు వంశీ పైడిపల్లి ఇప్పటివరకు తన తదుపరి సినిమాను మొదలుపెట్టలేకపోయాడు. రామ్ చరణ్, మహేష్ లాంటి స్టార్ హీరోలకు కథలు చెప్పినప్పటికీ ప్రాజెక్ట్స్ సెట్ కాలేదు . దీంతో వంశీ మరో స్టార్ హీరో కోసం వెతుకులాట మొదలుపెట్టాడు. ఈ క్రమంలో ఓ పాన్ ఇండియా ప్రాజెక్ట్ ను సెట్ చేయగలిగాడు. కోలీవుడ్ స్టార్ హీరో విజయ్ చాన్నాళ్లుగా తెలుగులో స్ట్రెయిట్ సినిమా చేయాలనుకుంటున్నాడు.

ఇటీవల విజయ్ ని కలిసి కథ వినిపించి ఓకే చెప్పించుకున్నాడు వంశీ పైడిపల్లి. స్టార్ ప్రొడ్యూసర్ దిల్ రాజు ఈ సినిమాను నిర్మించబోతున్నారు. దీనికి సంబంధించిన అఫీషియల్ అనౌన్స్మెంట్స్ ఈపాటికే రావాల్సింది కానీ ప్రస్తుతం పరిస్థితుల కారణంగా వాయిదా వేస్తున్నారు. విజయ్ ప్రస్తుతం నెల్సన్ దిలీప్ కుమార్ తో సినిమా చేస్తున్నాడు. అది పూర్తయిన వెంటనే వంశీ సినిమా సెట్స్ పైకి రానున్నాడు. అయితే ఈ సినిమాలో హీరోయిన్ గా కీర్తి సురేష్ ను ఎంపిక చేసినట్లు వార్తలు వినిపిస్తున్నాయి.

హీరో విజయ్ తో కీర్తికి మంచి ర్యాపో ఉంది. గతంలో వీరిద్దరూ కలిసి ‘భైరవ’, ‘సర్కార్’ లాంటి సినిమాలకు పని చేశారు. ‘భైరవ’ సినిమాకి మిశ్రమ స్పందన వచ్చినప్పటికీ భారీ వసూళ్లు రాబట్టింది. ‘సర్కార్’ సినిమా పెద్ద సక్సెస్ అందుకుంది. ఇప్పుడు మరోసారి ఈ జంట ఆన్ స్క్రీన్ రొమాన్స్ కు సిద్ధమవుతోందని సమాచారం. మరి ఈసారి ఎలాంటి సక్సెస్ ను అందుకుంటారో చూడాలి!

Most Recommended Video

10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!