Keerthy Suresh: బ్రేకప్ గురించి సంచలన వ్యాఖ్యలు చేసిన కీర్తి సురేష్!

March 27, 2023 / 02:33 PM ISTByFilmy Focus

Join Us

Keerthy Suresh: బ్రేకప్ గురించి సంచలన వ్యాఖ్యలు చేసిన కీర్తి సురేష్!

నాచురల్ స్టార్ నాని,కీర్తి సురేష్ (Keerthy Suresh) జంటగా శ్రీకాంత్ ఓదెల దర్శకత్వంలో ఎంతో ప్రతిష్టాత్మకంగా పాన్ ఇండియా స్థాయిలో ప్రేక్షకుల ముందు రాబోతున్న చిత్రం దసరా. ఈ సినిమా మార్చ్ 30వ తేదీ పాన్ ఇండియా స్థాయిలో ప్రేక్షకుల ముందుకు రావడానికి సిద్ధమైంది. ఈ క్రమంలోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా వరుస ఇంటర్వ్యూలకు హాజరవుతున్నటువంటి నాని కీర్తి సురేష్ కేవలం సినిమా విషయాలు గురించి మాత్రమే కాకుండా వారి వ్యక్తిగత విషయాల గురించి కూడా షాకింగ్ కామెంట్స్ చేస్తున్నారు.

ఈ క్రమంలోనే ఒక ఇంటర్వ్యూలో పాల్గొన్నటువంటి కీర్తి సురేష్ కు ప్రేమ బ్రేకప్ గురించి పలు ప్రశ్నలు ఎదురయ్యాయి. ఈ ప్రశ్నలకు ఈమె ఆసక్తికరమైన సమాధానం చెప్పారు. ప్రస్తుత కాలంలో ప్రేమ బ్రేకప్ లు జరగడం సర్వసాధారడం. ముఖ్యంగా సినిమా ఇండస్ట్రీకి చెందినటువంటి సెలబ్రిటీలు ఎంత త్వరగా అయితే ప్రేమలో పడతారో అంతే తొందరగా బ్రేకప్ చెప్పుకుంటూ ఉన్నారు. ఈ క్రమంలోనే యాంకర్ కీర్తి సురేష్ ను ప్రశ్నిస్తూ బ్రేకప్ చేదుగా ఉంటుందా మందు చేదుగా ఉంటుందా అని ప్రశ్నించారు.

ఈ ప్రశ్నకు ఈమె కాస్త ఆలోచించిన తరువాత మందు కన్నా బ్రేకప్ చేదుగా ఉంటుంది అంటూ షాకింగ్ సమాధానం చెప్పారు. ఇలా బ్రేకప్ గురించి కీర్తి సురేష్ చేసినటువంటి ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఇక దసరా సినిమా శ్రీకాంత్ ఓదెల అనే నూతన దర్శకుడి దర్శకత్వంలో తెరకెక్కింది.

ఈ సినిమాని సుధాకర్ చెరుకూరి ఎంతో ప్రతిష్టాత్మకంగా పాన్ ఇండియా స్థాయిలో నిర్మిస్తున్నారు. ఇక ఈ సినిమా సింగరేణి బొగ్గు గనుల నేపథ్యంలో ప్రేక్షకుల ముందుకు రాబోతోంది. మరి ఈ సినిమా ద్వారా నాని ప్రేక్షకులను ఎలా సందడి చేయబోతున్నారో తెలియాల్సి ఉంది.