Keerthy Suresh: ఆ హీరోతో నటించే అవకాశం వస్తే అసలు వదులుకోను!

March 25, 2023 / 08:37 PM ISTByFilmy Focus

Join Us

Keerthy Suresh: ఆ హీరోతో నటించే అవకాశం వస్తే అసలు వదులుకోను!

( Keerthy Suresh) దక్షిణాది సినీ ఇండస్ట్రీలో పలు సినిమాలలో నటిస్తూ ఎంతో మంచి పేరు ప్రఖ్యాతలు సంపాదించుకున్న కీర్తి సురేష్ తాజాగా దసరా సినిమా ద్వారా ప్రేక్షకుల ముందుకు రాబోతున్నారు. ఈ సినిమాతో ఈమె పాన్ ఇండియా స్థాయిలో హీరోయిన్ గా ప్రేక్షకులకు పరిచయం కానున్నారు. ఇలా అగ్రతారగా ఇండస్ట్రీలో ఎంతో మంచి గుర్తింపు సంపాదించుకున్న కీర్తి సురేష్ మొదటిసారి దసరా సినిమా ద్వారా బాలీవుడ్ ప్రేక్షకుల ముందుకు రాబోతున్నారు. ఇక ఈ సినిమా పాన్ ఇండియా స్థాయిలో విడుదల కానున్న నేపథ్యంలో ముంబైలో కూడా పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.

ఈ ప్రమోషన్ కార్యక్రమాలలో భాగంగా ఈమె ముంబైలో మీడియాతో ముచ్చటించారు.ఇక ఈ కార్యక్రమంలో భాగంగా మీడియా ప్రతినిధులు తనకు ప్రశ్నిస్తూ బాలీవుడ్ సినిమాలలో నటించాలని లేదా అంటూ ప్రశ్నించడంతో తనకు అవకాశం వస్తే తప్పకుండా నటిస్తానని తెలిపారు. ఇక బాలీవుడ్ ఇండస్ట్రీలో అవకాశం వస్తే ఏ హీరోతో నటించాలని కోరుకుంటున్నారని మీడియా ప్రతినిధులు ప్రశ్నించగా అందుకు కీర్తి సురేష్(Keerthy Suresh) సమాధానం చెబుతూ…

తనకు షారుఖ్ ఖాన్ అంటే చాలా ఇష్టమని.. ఆయనతో కలిసి నటించే అవకాశం వస్తే ఏ మాత్రం వదులుకోనని ఈ సందర్భంగా కీర్తి సురేష్ చేసినటువంటి ఈ కామెంట్స్ వైరల్ అవుతున్నాయి.మొత్తానికి కీర్తి సురేష్ బాలీవుడ్ బాద్షా పక్కన నటించే అవకాశం కోసం ఎదురు చూస్తుందని ఈ సందర్భంగా తన మనసులో కోరిక బయటపెట్టారు. ఇక దసరా సినిమా సింగరేణి బొగ్గు గనుల నేపథ్యంలో తెరకెక్కిన విషయం మనకు తెలిసిందే. ఇందులో ఈమె నానితో కలిసి జతకట్టారు.

ఇదివరకు వీరిద్దరూ నేను లోకల్ అనే సినిమా ద్వారా ప్రేక్షకులను సందడి చేశారు. అయితే ఈ సినిమాలో డి గ్లామర్ పాత్రలో ప్రేక్షకుల ముందుకు రావడానికి సిద్ధమయ్యారు. శ్రీకాంత్ ఓదెల అనే నూతన దర్శకుడి దర్శకత్వంలో ఈ సినిమా తెరకెక్కింది. మరి ఈ సినిమా పాన్ ఇండియా స్థాయిలో విడుదల అయ్యి ఎలాంటి ఆదరణ సంపాదించుకుంటుందో తెలియాల్సి ఉంది.