‘మహానటి’ సినిమా తరువాత కీర్తి సురేష్ క్రేజ్ అమాంతం పెరిగిపోయింది. ఆ తరువాత వరుసగా లేడీ ఓరియెంటెడ్ సినిమాల్లో అవకాశాలు దక్కించుకుంటోంది. మరోపక్క మహేష్ బాబు లాంటి స్టార్ హీరోల సరసన హీరోయిన్ గా నటిస్తోంది. కమర్షియల్ సినిమాల్లో నటిస్తూనే.. చెల్లెలి పాత్రలకు కూడా ఒప్పుకుంటోంది ఈ బ్యూటీ. టాప్ రేసులో ఉన్న కీర్తి చెల్లెలి పాత్రల్లో నటిస్తుండడంపై విమర్శలు వినిపించాయి. ఆ సంగతి పక్కన పెడితే.. కీర్తికి కమర్షియల్ గా మాత్రం బాగానే వర్కవుట్ అవుతోంది.
రీసెంట్ గా విడుదలైన ‘పెద్దన్న’ సినిమాలో రజినీకాంత్ చెల్లెలి పాత్రలో కనిపించింది కీర్తి సురేష్. ఈ సినిమాలో ఎలాంటి కొత్తదనం లేకపోవడంతో ఫ్లాప్ టాక్ వచ్చింది. కానీ రజినీకాంత్ కి ఉన్న క్రేజ్ కారణంగా భారీ కలెక్షన్స్ వచ్చాయి. ఈ సినిమాలో కీర్తి పాత్ర జనాలకు పెద్దగా కనెక్ట్ అవ్వలేదు. క్యారెక్టర్ పరంగా కీర్తి సక్సెస్ కానప్పటికీ.. కమర్షియల్ గా మాత్రం ఆమెకి బాగానే కలిసొచ్చింది. ‘పెద్దన్న’ సినిమా చేయడానికి కీర్తి సురేష్ కి రెండు కోట్ల రెమ్యునరేషన్ చెల్లించారట.
ఇప్పుడు ‘భోళాశంకర్’లో చిరంజీవికి కూడా చెల్లెలిగా నటించబోతుంది కీర్తి. ఈ సినిమాకి కూడా తనకు భారీ రెమ్యునరేషన్ చెల్లించినట్లు తెలుస్తోంది. ఈ సినిమాలో కీర్తి సురేష్ పాత్ర పరిధిని బాగా పెంచినట్లు తెలుస్తోంది. ఇక చిరు సరసన హీరోయిన్ గా తమన్నాను తీసుకున్నారు. త్వరలోనే ఈ సినిమా రెగ్యులర్ షూటింగ్ జరగనుంది.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
Home