40 ఏళ్ల తర్వాత తెరకెక్కుతున్న సీక్వెల్ లో ఛాన్స్

“మహానటి” చిత్రంతో ఎనలేని ఖ్యాతి, క్రేజ్ సంపాదించుకున్న కీర్తిసురేష్ ని ఇప్పుడు క్రేజీ ఆఫర్లన్నీ వెతుక్కుంటూ వెళ్తున్నాయి. మహానటి అనంతరం ఆమె నటించిన సినిమాలు ఆశించిన స్థాయి విజయం సాధించకపోయినా ఆమె క్రేజ్ మాత్రం చెక్కు చెదరలేదు. మరీ ముఖ్యంగా చేతిలో బోలెడు క్రేజీ ప్రాజెక్ట్స్ కూడా ఉన్నాయి. అయితే.. కీర్తిసురేష్ ను ఓ ప్రాజెక్ట్ వెతుక్కుంటూ వచ్చింది. ఫామ్ లో ఉన్న హీరోయిన్ కి ప్రాజెక్ట్ రావడంలో పెద్ద స్పెషాలిటీ ఏముంది అని తీసిపడేయకండి.

వచ్చింది అలాంటిలాంటి ఆఫర్ కాదు.. ఒక ఐకానిక్ సినిమా సీక్వెల్ ఆఫర్. సరిగ్గా 40 ఏళ్ల క్రితం విడుదలై సంచలన విజయం సొంతం చేసుకున్న “ఎర్ర గులాబీలు” చిత్రానికి సీక్వెల్ కథ రాస్తున్నారు దర్శకులు భారతీ రాజా. ఆయన కుమారుడు మనోజ్ రాజా ఈ సీక్వెల్ కు దర్శకత్వం వహిస్తారు. సరిగ్గా ప్లాన్ చేసుకుంటే మోస్ట్ ఎవైటెడ్ సీక్వెల్ అవ్వగల సత్తా పుష్కలంగా ఉన్న చిత్రమిది. అందులోనూ కీరిసురేష్ నటిస్తోంది అంటే సినిమాకి ఎక్కడలేని ప్రాముఖ్యత ఎలాగూ లభిస్తుంది.

ప్రస్తుతం నితిన్ సరసన “రంగ్ దే”, రజనీకాంత్ “అన్నతే” మరియు ఇంకొన్ని ఇంట్రెస్టింగ్ ప్రాజెక్ట్స్ లో నటిస్తున్న కీర్తిసురేష్ ఈ సీక్వెల్ లో శ్రీదేవిని రిప్రయిజ్ చేయనుండడం విశేషం. సావిత్రి బయోపిక్ లో నటించిన అమ్మడు ఇప్పుడు శ్రీదేవి పాత్ర పోషించే అవకాశం దక్కించుకొని మోస్ట్ లక్కీ హీరోయిన్ అనిపించుకొంది.

Most Recommended Video

‘ఉమామహేశ్వర ఉగ్రరూపస్య’ హీరోయిన్ రూప గురించి మనకు తెలియని విషయాలు..!
పోకిరి మూవీలో పూరిజగన్నాథ్ సోనూసూద్ నీ హీరోగా అనుకున్నాడట!
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?