“బ్రహ్మోత్సవం”లో కీ ఎలిమెంట్!!!

టాలీవుడ్ ప్రిన్స్ మహేష్ బాబు, శ్రీకాంత్ అడ్డాల దర్శకత్వంలో చేస్తున్న చిత్రం బ్రహ్మోత్సవం. గతంలో కూడా ప్రిన్స్ అదే దర్శకుడితో సీతమ్మ వాకిట్లో అనే సినిమాను తెరకెక్కించాడు. అయితే ఆ సినిమాలో పూర్తి కుటుంబ కధతో ముడిపడిన ప్రేమ కధను చూపించి, కుటుంబం, వ్యాల్యూస్ గురించి పూస గుచ్చినట్టు చూపించాడు దర్శకుడు. ఇక ఈ చిత్రంలో కూడా అలానే కుటుంబ కధను జోడించి సినిమా తెరకెక్కుతుంది అని అందరూ అనుకోగా, అనుకోని రీతిలో ట్విష్ట్ ఇచ్చాడు దర్శకుడు. ఈ సినిమా పూర్తిగా మోడ్రెన్ లవ్ స్టోరీ అంట. ఇప్పటివరకూ మన ప్రిన్స్ మహేష్ ను ఎప్పుడూ చూడని విధంగా చూపించే ప్రయత్నం చేస్తున్నాడంట దర్శకుడు. ఫుల్ లెంత్ పక్కా మోడ్రెన్ లవ్ స్టోరీ తో ప్రిన్స్ అభిమానులకు పండగ చేస్తా అంటున్నాడు దర్శకుడు శ్రీకాంత్ అడ్డాల. ఇక ఇదే క్రమంలో అభిమానులు సైతం తమ అభిమాన హీరోని ఫుల్ లెంత్ లవర్ బోయ్ గా చూసి చాల్ రోజులు అయ్యింది అని ఈ సినిమా కోసం భారీ అంచనాలతో ఎదురు చూస్తున్నారు. ఇక ఈ చిత్రంలో కాజల్ అగర్వాల్ – సమంత – ప్రణీత ముగ్గురు భామలు మన యువరాజుతో రొమ్యాన్స్ చేయనున్నారు. మరి వీరిలో ప్రిన్స్ ను ప్రేమించేది ఎవరు? ప్రిన్స్ ఎవరిని ప్రేమిస్తాడు. చివరకు ఎవరి ప్రేమ గెలుస్తుంది అనేది సస్పెన్స్. ఏది ఏమైనా….లవర్ బోయ్ మహేష్ “బ్రహ్మోత్సవం”పై అంచనాలు భారీగానే ఉన్నాయి అంటున్నారు సినీ విశ్లేషకులు.