ఈరోజు ఓ అప్డేట్ ఇస్తున్నామని ఓ వీడియో ద్వారా ప్రభాస్ స్పష్టం చేసాడు. అనుకున్నట్టుగానే ‘సాహో’ రిలీజ్ డేట్ పోస్టర్ ను విడుదల చేసారు. ఈ పోస్టర్ ఆశించిన స్థాయిలో లేకపోయినా ప్రభాస్ ఫ్యాన్స్ మాత్రం ఆనందంగానే ఉన్నారు. ఎందుకంటే ఎట్టకేలకు తమ అభిమాన హీరో సినిమా విడుదల తేదీ తెలిసిందని.. వారు సంబరపడుతున్నారు. ‘సాహో’ చిత్రం ఆగష్టు 15 న విడుదల చేయబోతున్నట్టు ఆ పోస్టర్లో ఉంది. ఇక్కడి వరకూ బాగానే ఉన్నా… ఇప్పుడు ఈ పోస్టర్ ఓ కొత్త అనుమానాలకు దారి తీస్తుంది.
అసలు విషయాన్నీ పరిశీలిస్తే.. ఈ పోస్టర్లో సంగీత దర్శకుల పేర్లు లేవు. శంకర్-ఎహసాన్-లాయ్ ఈ చిత్రానికి సంగీతం అందిస్తున్నట్టు షూటింగ్ మొదలవుతున్నప్పుడే చిత్ర యూనిట్ వెల్లడించింది. కానీ ‘సాహో’ మొదటి మేకింగ్ వీడియోకి తమన్ బ్యాక్ గ్రౌండ్ ఇచ్చాడు. ఇక తరువాత విడుదల చేసిన మేకింగ్ వీడియోకి ఎవరు మ్యూజిక్ ఇచ్చారన్నది చెప్పనే లేదు చిత్ర యూనిట్ సభ్యులు. ఇంత పెద్ద భారీ బడ్జెట్ చిత్రానికి ఎవరు మ్యూజిక్ సమకూరుస్తున్నారు అనేది పెద్ద చర్చనీయాంశం అయ్యింది. ఒకవేళ శంకర్-ఎహసాన్-లాయ్ ఈ ప్రాజెక్ట్ నుండీ తప్పుకున్నారా అనే అనుమానాలు కూడా వ్యక్తమవుతున్నాయి. చిత్ర యూనిట్ ఈ విషయంలో క్లారిటీ ఇస్తేనే కానీ ఈ అనుమానాలు ఆగేలా లేవు. ఇక ఈ చిత్రానికి తమన్ ను బ్యాక్ గ్రౌండ్ స్కోర్ అందించబోతున్నట్టు ఓ వార్త ప్రచారంలో ఉంది. మరి చివరికి ఏం జరుగుతుందో చూడాలి.
Home