2018లో వచ్చిన ‘కె.జి.ఎఫ్ చాప్టర్ 1’ మూవీ సూపర్ హిట్ అవ్వడంతో ‘కె.జి.ఎఫ్ చాప్టర్ 2’ పై కూడా మొదటి నుంచి భారీ అంచనాలు నెలకొన్నాయి. ఆ అంచనాలకు తగ్గట్టు గానే దర్శకుడు ప్రశాంత్ నీల్ ‘కె.జి.ఎఫ్ 2’ ని తీర్చిదిద్దిన విధానం అందరినీ ఆకట్టుకుంటుంది. ఏప్రిల్ 14న భారీ రేంజ్లో విడుదలైన ఈ మూవీ సక్సెస్ ఫుల్ గా 4 వారాలు పూర్తిచేసుకుంది. ఇప్పటికీ ఈ మూవీ పర్వాలేదు అనిపించే రేంజ్లో కలెక్ట్ చేస్తుంది.
‘ఆచార్య’ వంటి పెద్ద సినిమా రిలీజ్ అయినా తెలుగు రాష్ట్రాల్లో ఇంకా డీసెంట్ కలెక్షన్స్ ను సాధిస్తుంది ‘కె.జి.ఎఫ్ చాప్టర్ 2’.ఒక్క ఆంధ్రప్రదేశ్ లో టికెట్ రేట్ల ఇష్యు వల్ల తప్ప మిగిలిన అన్ని ఏరియాల్లో లాభాలను అందించింది ఈ చిత్రం. ఒకసారి ‘కె.జి.ఎఫ్ 2’ 4 వారాల కలెక్షన్స్ ను గమనిస్తే :
| నైజాం | 43.07 cr |
| సీడెడ్ | 11.75 cr |
| ఉత్తరాంధ్ర | 7.87 cr |
| ఈస్ట్ | 5.58 cr |
| వెస్ట్ | 3.57 cr |
| గుంటూరు | 4.75 cr |
| కృష్ణా | 4.28 cr |
| నెల్లూరు | 2.74 cr |
| ఏపీ + తెలంగాణ (టోటల్) | 83.61 cr |
‘కె.జి.ఎఫ్2’ చిత్రానికి రూ.74 కోట్ల థియేట్రికల్ బిజినెస్ జరిగింది. బ్రేక్ ఈవెన్ కావాలంటే రూ.75 కోట్ల వరకు షేర్ ను రాబట్టాల్సి ఉంది. 12 రోజులకే బ్రేక్ ఈవెన్ కంప్లీట్ చేసిన ఈ మూవీ 4 వారాలు పూర్తయ్యేసరికి రూ.83.61 కోట్ల షేర్ ను రాబట్టింది. ఓ డబ్బింగ్ సినిమా ఇంత కలెక్ట్ చేయడం అంటే మామూలు విషయం కాదు. గతంలో ఈ రికార్డ్ ‘2.o’ పేరుతో ఉండేది.కానీ ఆ మూవీ బ్రేక్ ఈవెన్ కాలేదు.
కానీ ‘కె.జి.ఎఫ్ 2’ తెలుగు రాష్ట్రాల్లో ఓవరాల్ గా బ్రేక్ ఈవెన్ ను కంప్లీట్ చేయడమే కాకుండా రూ.8.61 కోట్ల లాభాలను అందించింది. కాకపోతే ఆంధ్రాలో ఈ మూవీ బ్రేక్ ఈవెన్ కాలేదు. అయ్యే అవకాశాలు కూడా కనిపించడం లేదు. అక్కడ ఈ చిత్రానికి రూ.49 కోట్ల బిజినెస్ జరిగితే ఇప్పటివరకు కేవలం రూ. 40.54 కోట్ల షేర్ ను మాత్రమే రాబట్టింది.
కాకపోతే ‘ఆచార్య’ వంటి మరో పెద్ద సినిమా అలాగే ఇంకా చిన్న సినిమాలు రిలీజ్ అయినప్పటికీ ఈ మూవీ ఇంకా స్టడీగా రాణిస్తుండడం విశేషం. అయితే ఈరోజు నుండీ మహేష్ బాబు ‘సర్కారు వారి పాట’ చిత్రం థియేటర్లలోకి వచ్చింది కాబట్టి.. ఈ మూవీ లాంగ్ రన్ కంటిన్యూ చేస్తుందా లేదా అన్నది చూడాలి.!
Most Recommended Video
అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!
