ఓ సాధారణ ఆర్.టి.సి డ్రైవర్ కొడుకు ఇప్పుడు దేశవ్యాప్తంగా పాపులర్ హీరో అయిన సంగతి తెలిసిందే. ఆ హీరో ఎవరో కాదు.. ‘కె.జి.ఎఫ్’ యష్. ఈ ఒక్క చిత్రం అతడి క్రేజ్ ను అమాంతం పెంచేసింది. ‘కేజీఎఫ్ చాప్టర్ 1’ సూపర్ హిట్టవ్వడంతో సీక్వెల్ కోసం దర్శకుడు ప్రశాంత్ నీల్ చాలా కష్టపడుతున్నాడు. ‘కేజీఎఫ్- 1’ ను మించి అసాధారణ కాన్వాసును ఎంచుకుని మరి ఈ చిత్రాన్ని తెరకెక్కిస్తున్నారట. ఈ సీక్వెల్ కోసం భారీ తారాగణాన్ని కూడా ఎంచుకున్నారు. ఈమద్యే షూటింగ్ ను మొదలుపెట్టారు.
తాజాగా ఈ షెడ్యూల్ లో హీరో యాష్ కూడా జాయిన్ అయ్యాడు. ఓ పక్క ఈ చిత్రం షూటింగ్ చేస్తూనే మరో పక్క తరువాతి భారీ షెడ్యూల్ కోసం సన్నాహాలు చేస్తున్నారట. కోలార్ పరిసర ప్రాంతాల్లో భారీ సెట్స్ ను కూడా నిర్మిస్తున్నారట. ఈ సెట్స్ లో భారీ యాక్షన్ ఎపిసోడ్స్ ను చిత్రీకరిస్తారట. అంతేకాదు కొన్ని కీలక సన్నివేశాల్ని కూడా తెరకెక్కిస్తారని తెలుస్తుంది. ఒకేసారి మూడు వేరు వేరు చోట్ల భారీ సెట్స్ ని నిర్మిస్తున్నారట. 350మంది సెట్ వర్కర్లు ఈ సెట్ల కోసం పనిచేస్తున్నారని సమాచారం. కేజీఎఫ్ 1 కి పని చేసిన కళాదర్శకుడు శివకుమార్ ఈ సీక్వెల్ కు సెట్స్ ని డిజైన్ చేస్తున్నాడని తెలుస్తుంది. మొత్తానికి ‘కేజీఎఫ్ చాప్టర్ 2’ భారీ స్థాయిలో ఉంటుందని స్పష్టమవుతుంది.
