‘కె.జి.ఎఫ్’ అనే ఒక్క చిత్రంతో తెలుగు ప్రేక్షకుల్ని కూడా ఆకట్టుకుని.. సూపర్ క్రేజ్ సంపాదించుకున్నాడు కన్నడ స్టార్ హీరో యష్. ఈ చిత్రం సూపర్ హిట్ అవ్వడంతో ఇక్కడ కూడా యష్ కు ఫ్యాన్ ఫాలోయింగ్ ఏర్పడింది. ఏకంగా యూట్యూబ్ లో యష్ పాత సినిమాలని కూడా మన తెలుగు వాళ్ళు చూసేస్తున్నారు అంటే ఆయన క్రేజ్ ఏంటనేది అర్థం చేసుకోవచ్చు. ఇక అసలు విషయం ఏమిటంటే.. యష్ మరోసారి తండ్రయ్యాడు. యష్ భార్య మరియు ప్రముఖ నటి అయిన రాధిక పండిట్ ఈరోజు బెంగుళూరులోని ఓ ప్రైవేట్ ఆసుపత్రిలో మగబిడ్డకు జన్మనిచ్చింది.
తల్లి, బిడ్డ ఇద్దరూ క్షేమంగా, ఆరోగ్యంగా ఉన్నట్టు వైద్యులు తెలియజేసారు. ఇక ఈ వార్త తెలుసుకున్న యష్ అభిమానులు… యష్, రాధిక దంపతులకు శుభాకాంక్షలు తెలుపుతున్నారు. ‘కె.జి.ఎఫ్ చాప్టర్ 1’ సినిమా టైములో యష్, రాధికలకు కుమార్తె పుట్టింది. ఇప్పుడు ‘కె.జి.ఎఫ్ చాప్టర్ 2’ టైములో బాబు పుట్టాడు. ఇక ‘రాఖీబాయ్’ ఎంట్రీ కోసం 2020 సమ్మర్ వరకూ వేచి చూడాల్సి ఉంది. ప్రశాంత్ నీల్ ఈ చిత్రాన్ని ‘కె.జి.ఎఫ్ చాప్టర్1’ కు మించి ఉండేలా చిత్రీకరిస్తున్నాడని సమాచారం.
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
