ఖైదీ దర్శకుడితో కమల్ క్రేజీ ప్రాజెక్ట్!

September 16, 2020 / 09:06 PM ISTByFilmy Focus

Join Us

కోలీవుడ్ యంగ్ డైరెక్టర్ లోకేష్ కనకరాజ్ కి విలక్షణ చిత్రాలు దర్శకుడిగా మంచి పేరుంది. ఆయన గత చిత్రం ఖైదీ బంపర్ హిట్ అందుకుంది. ఎటువంటి కమర్షియల్ అంశాలు లేకుండా ప్రయోగాత్మకంగా తెరకెక్కిన ఆ చిత్రం ప్రేక్షకుల ప్రశంశలు దక్కించుకుంది. కార్తీ హీరోగా నటించిన ఖైదీ ఆయన కెరీర్ బిగ్గెస్ట్ హిట్ గా నిలిచింది. తెలుగు మరియు తమిళ భాషలలో భారీ విజయాన్ని దక్కించుకుంది. ఈ చిత్రం విడుదలైన వెంటనే కోలీవుడ్ స్టార్ హీరో విజయ్ తో భారీ మూవీ చేసే అవకాశం లోకేష్ దక్కించుకున్నారు.

లోకేష్ దర్శకత్వంలో తెరకెక్కిన మాస్టర్ మూవీ షూటింగ్ చివరి దశలో ఉంది. విజయ్ ని ప్రొఫెషర్ గా, గ్యాంగస్టర్ గా రెండు భిన్న పాత్రలలో ప్రజెంట్ చేయనున్నాడు లోకేష్. లోకేష్ఈ చిత్రం విడుదల కాకుండానే లోకనాయకుడు కమల్ హాసన్ తో మూవీ ప్రకటించాడు . వీరిద్దరి కాంబినేషన్ తెరకెక్కనున్న ప్రాజెక్ట్ పై నేడు అధికారిక ప్రకటన రావడం జరిగింది. కమల్ 232వ చిత్రంగా ఈ మూవీ తెరకెక్కనుంది. ఇక అనౌన్స్మెంట్ పోస్టర్ లో డెడ్లీ గన్స్ తో కమల్ షేప్ తో ఉన్న పోస్టర్ ఆసక్తి రేపుతోంది.

Khaidi movie director with Kamal Haasan1

అలాగే ఒకానొకప్పుడు ఓ ఘోస్ట్ ఉండేది అని ఓ కోట్ కూడా పెట్టారు. పోస్టర్ డిజైన్ చూస్తుంటే ఇది మాఫియా లీడర్ స్టోరీ అయ్యే అవకాశం కలదనిపిస్తుంది. కాంబినేషన్ రీత్యా ప్రకటనతోనే మూవీపై భారీ అంచనాలు ఏర్పడ్డాయి. ప్రస్తుతం భారతీయుడు 2 మూవీలో నటిస్తున్న కమల్, నెక్స్ట్ ఈ మూవీ షూటింగ్ లో పాల్గొననున్నాడు.