స్మార్ట్ ఫోన్లు చిత్ర పరిశ్రమకు నిద్ర లేకుండా చేస్తున్నాయి. ఎన్నో జాగ్రత్తలతో షూటింగ్ ప్లాన్ చేసినప్పటికీ ఎవరో ఒకరు ఆ సన్నివేశాలను సెల్ ఫోన్లో బంధించి నెట్లో అప్లోడ్ చేస్తున్నారు. ఇప్పడు ఖైదీ నంబర్ 150 ఈ సమస్యనే ఎదుర్కొంటోంది. రెండు రోజుల క్రితం మెగాస్టార్ చిరంజీవి, కాజల్ అగర్వాల్ పై ఓ పాటను చిత్రీకరించారు. ఈ చిత్రీకరణ జరుగుతుండగా యూనిట్ సభ్యుల్లో ఒకరు చిరు, కాజల్ డ్యాన్స్ వేస్తుండగా షూట్ చేసి నెట్లో పెట్టారు. ఆ వీడియో ప్రస్తుతం సోషల్ మీడియాలో హల్ చల్ చేస్తోంది. ఇందులో కాజల్ తన నడుముని వయ్యారంగా ఊపుతుంటే, చిరు ఆ నడుముని పట్టుకుని స్టైల్ గా వేసే స్టెప్ అందరినీ ఆకట్టుకుంటోంది.
ఆ డ్యాన్స్ వేస్తున్నప్పుడు మెగాస్టార్ లోని ఎనర్జీని చూసి అందరూ ఆశ్చర్యపోతున్నారు. పదేళ్ల క్రితం ఎంత ఉత్సాహంగా చిరు స్టెప్పులేశారో అంత కంటే జోష్ తో ఈ పాటలో కనిపిస్తున్నారు. దీంతో మెగా అభిమానులు వీడియో లీక్ చేసిన వ్యక్తిని తిట్టిపోయడం మాని తెగ ఆనందపడిపోతున్నారు. బాస్ రీ ఎంట్రీ బ్లాక్ బస్టర్ అవుతుందని సంబర పడిపోతున్నారు. మెగా పవర్ స్టార్ రామ్ చరణ్ తేజ్ నిర్మిస్తున్న ఈ చిత్రం ఆడియో రిలీజ్ వేడుక ఈనెల 25 న విజయవాడలో గ్రాండ్ గా జరగనుంది.
Chiru Kajal by navya-reddy
Also, do SUBSCRIBE to our YouTube channel to get latest Tollywood updates.
Home