ఘోర రోడ్డు ప్రమాదం.. తృటిలో తపించుకున్న నటి ఖుష్బూ!

ప్రముఖ నటి, బీజేపీ నాయకురాలు ఖుష్బూ సుందర్ కు తృటిలో ప్రమాదం తప్పింది. చెన్నైలోని చెంగల్పట్టు జిల్లా మధురాంతకం సమీపంలో ఆమె ప్రయాణిస్తున్న కారును ఓ కంటైనర్ ఢీకొట్టింది. ఒకవైపు డోర్‌ పూర్తిగా ధ్వంసమైంది. ఆ సమయంలో కారులోని ఎయిర్ బెలూన్లు తెరుచుకోవడంతో ఖుష్బూ సురక్షితంగా బయటపడ్డారు. ఈ ప్రమాదంలో కారు నుజ్జునుజ్జు అవ్వడంతో ఖుష్బూ మరో వాహనంలో తన గమ్యస్థానానికి వెళ్లిపోయారు. వేల్‌ యాత్రలో పాల్గొనేందుకు కుష్బూ వెళ్తుండగా ఈ ప్రమాదం చోటుచేసుకుంది.

ఈ ఘటనపై పోలీసులు కేసు నమోదు చేసి దర్యాప్తు మొదలుపెట్టారు. ఇక కారు ప్రమాద ఘటనలో తనకు ఎలాంటి గాయాలు కాలేదని.. అభిమానులు ఎవరూ కూడా ఆందోళన చెందాల్సిన పనిలేదని ఖుష్బూ వెల్లడించారు. aఅభిమానుల ప్రేమ, దేవుడి దయ వలన తాను క్షేమంగా బయటపడినట్లు ఖుష్బూ సోషల్ మీడియాలో ట్వీట్ చేశారు. ఒకప్పుడు కాంగ్రెస్ పార్టీలో ఉన్న ఖుష్బూ ఇటీవల బీజేపీ తీర్ధం పుచ్చుకున్నారు. ఈ క్రమంలో తమిళనాడు రాజకీయాల్లో ఆమె కీలకంగా మారారు.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!