ఇటీవల కాలంలో టాలీవుడ్‌లో యంగ్ స్టార్‌ హీరోల సినిమాల కథ, పాత్రధారుల ఎంపిక జరుగుతున్నప్పుడు కచ్చితంగా వినిపించే మాట ‘సినిమాలో నాయికగా జాన్వీ కపూర్‌ను అనుకుంటున్నారు’ అని. అంతగా ఆమె పేరును వాడేసుకుంటున్నారు మనవాళ్లు. ఆ మధ్య ఎప్పుడో విజయ్‌ దేవరకొండతో నటించాలని ఉంది అని జాన్వీ చెప్పేసరికి… విజయ్‌ సినిమా అనేసరికి… ఆమెనే ఫస్ట్‌ ఛాయిస్‌ అనేస్తున్నారు. కానీ ఆమె సౌత్‌ వైపు చూడటమే లేదు. అయితే ఇప్పుడు చెల్లి ఖుషీ కపూర్‌ ముచ్చట్లు వినిపిస్తున్నాయి.
జాన్వీ కపూర్‌ సౌత్‌ ఇండస్ట్రీకి… వస్తుందో లేదో తెలియని ఈ సమయంలో ఆమె చెల్లి ఖుషీ కపూర్‌ సినిమాల గురించి ముచ్చట్లు వినిపిస్తున్నాయి. ఖుషీ కపూర్‌ తొలి సినిమా సౌత్‌లోనూ అందులోనూ తమిళ పరిశ్రమలోనే ఉండబోతోంది అని అంటున్నారు. దీనికి సంబంధించి బోనీ కపూర్‌ ఓ సినిమా సెట్‌ చేశారని, త్వరలో అధికారికంగా ప్రకటిస్తారని అంటున్నారు. అక్క బాలీవుడ్‌లో, చెల్లి సౌత్‌లో ఉంటే పోటీ ఉండదు అని అనుకుంటున్నారేమో బోనీ.
బోనీ కపూర్‌ ఇటీవల కాలంలో సౌత్‌ అంటే ఆసక్తి చూపిస్తున్నారు. తమిళంలో అజిత్‌తో సినిమాలు తీస్తున్నారు. తెలుగులో ఇటీవల పవన్‌ కల్యాణ్‌తో ‘వకీల్‌సాబ్‌’ తీసిన విషయమూ తెలిసిందే. ఇప్పుడు ఏకంగా తన చిన్న కూతురిని ఇక్కడికే తీసుకొస్తా అంటున్నారు. ఇందులో ఎంతవరకు నిజముందో తెలియదు కానీ… అక్క రాని చోటకు చెల్లి వస్తుంది అంటే కాస్త బెటరే కదా. అతిలోకసుందరి లేకపోయినా ఆమె కూతురైనా దక్షిణాది పరిశ్రమలో ఉంటుంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
Home