టాలీవుడ్లో గేమ్ చేంజెర్ మూవీగా సంచలనం సృష్టించిన చిత్రం ‘అర్జున్ రెడ్డి’. ఈ చిత్రంతో విజయ్ దేవరకొండ ఒక్కసారిగా స్టార్ హీరోగా మారిపోయాడు. ఇక ఈ చిత్రాన్ని బాలీవుడ్‌లోకి కూడా రీమేక్ చేస్తున్న సంగతి తెలిసిందే. ‘కబీర్ సింగ్’ పేరుతో రీమేక్ అవుతున్న ఈ చిత్రాన్ని కూడా సందీప్ రెడ్డి వంగానే డైరెక్ట్ చేస్తున్నాడు. షాహిద్ క‌పూర్‌, కియారా అద్వానీ హీరో, హీరోయిన్లుగా న‌టిస్తున్నారు. ఇక ఈ చిత్రం ఒరిజినల్.. అంటే తెలుగు ‘అర్జున్ రెడ్డి’లో ముద్దు సీన్లు చాలా ఎక్కువగానే ఉంటాయి.
దీంతో అసలే బాలీవుడ్ సినిమా.. కాబట్టి ‘కబీర్ సింగ్’ లో కూడా లిప్ లాక్ లు భారీగానే ఉంటాయని సమాచారం. ఇక ఈ ముద్దు సీన్ల షూటింగ్ గురించి తాజాగా కియారా చెప్పుకొచ్చింది. కియారా మాట్లాడుతూ.. “ఈ చిత్రంలో చాలా ముద్దు సన్నివేశాలున్నాయి. వాటిని చాలా నార్మ‌ల్‌గా చేసేశాం. ఇత‌ర సీన్ల మాదిరిగానే వాటినీ చిత్రీక‌రించారు. షూటింగ్ స‌మ‌యంలో లిప్‌లాక్స్ సీన్లు చేసినప్పుడు త‌ప్ప ఆ త‌ర్వాత వాటి గురించి ఆలోచించ‌నే లేదు” అంటూ చెప్పుకొచ్చింది ఈ బాలీవుడ్ బ్యూటీ.
Home
