Kichcha Sudeep: కన్నడ హీరో కిచ్చా సుదీప్ చేసిన ఈ పనికి మాత్రం ఫిదా అవ్వాల్సిందే!

తెలుగులో ఈగ (Eega) సినిమాలో నెగిటివ్ షేడ్స్ ఉన్న రోల్ లో నటించి కిచ్చా సుదీప్ (Sudeep) తన నటనతో మెప్పించిన సంగతి తెలిసిందే. ప్రస్తుతం కన్నడలో హీరోగా కెరీర్ పరంగా బిజీగా ఉన్న సుదీప్ తన సినిమాలలో మెజారిటీ సినిమాలతో పాన్ ఇండియా స్థాయిలో విజయాలను అందుకుంటున్నారు. తాజాగా సుదీప్ చేసిన మంచి పని నెట్టింట వైరల్ అవుతోంది. మూగ అభిమానికి ఫుడ్ పెట్టి డబ్బులిచ్చిన సుదీప్ గ్రేట్ అంటూ ఫ్యాన్స్ కామెంట్లు చేస్తున్నారు.

ఒక మూగ అభిమాని పునీత్ రాజ్ కుమార్ (Puneeth Rajkumar) , సుదీప్ పెయింట్ ఉన్న ఫ్రేమ్ ను సుదీప్ కు బహుమతిగా ఇవ్వడంతో పాటు ఒక లేఖ ద్వారా తాను పడుతున్న ఆర్థిక కష్టాల గురించి సుదీప్ కు చెప్పుకొచ్చారు. ఆ వ్యక్తి కష్టాలు విని కరిగిపోయిన సుదీప్ చెక్ పై అమౌంట్ రాసి ఆ చెక్ ను అభిమానికి ఇచ్చారు. అదే సమయంలో అభిమాని తినలేదని తెలిసిన సుదీప్ అతనికి ఫుడ్ పెట్టి మంచి మనస్సును చాటుకున్నారు.

అభిమాని విషయంలో సుదీప్ వ్యవహరించిన తీరు ఎంతోమందికి ఆదర్శం అని కామెంట్లు వ్యక్తమవుతున్నాయి. సుదీప్ నుంచి సహాయం అందడంతో ఎమోషనల్ అయిన ఆ అభిమాని సుదీప్ కాళ్లపై పడి నమస్కరించారు. సుదీప్ గతంలో కూడా కొన్ని సేవా కార్యక్రమాలు చేయడం ద్వారా ప్రశంసలు పొందారు. సుదీప్ కు ఎవరూ సాటిరారని ఆయన అభిమానులు అభిప్రాయపడుతున్నారు.

కిచ్చా సుదీప్ భవిష్యత్తులో కూడా కష్టాల్లో ఉన్న కొంతమంది అభిమానులకు అయినా అండగా నిలిస్తే బాగుంటుందని ఫ్యాన్స్ ఫీలవుతున్నారు. కిచ్చా సుదీప్ పారితోషికం ఒకింత భారీ రేంజ్ లో ఉందని సమాచారం అందుతోంది. కిచ్చా సుదీప్ త్వరలో కొత్త ప్రాజెక్ట్ లను ప్రకటించనున్నారని తెలుస్తోంది. కిచ్చా సుదీప్ భవిష్యత్తు సినిమాలతో తెలుగు ప్రేక్షకులకు దగ్గరవ్వాలని ఫ్యాన్స్ కోరుకుంటున్నారు.

#KicchaSudeepa met a disabled special fan who could not speak, helped him with money, fed him with food, and gave him tons of love at his residence ❤️@KicchaSudeep pic.twitter.com/I0EGE4vzn1

— Teju PRO (@Teju_PRO) June 3, 2024