కరోనా సెకండ్ వేవ్ వల్ల దాదాపు మూడు నెలలు మూతబడిన థియేటర్లు గత వారం తెరుచుకున్నాయి. గత శుక్రవారం తిమ్మరుసు, ఇష్క్ సినిమాలు రిలీజ్ కాగా ఈ సినిమాలలో తిమ్మరుసు యావరేజ్ రిజల్ట్ ను అందుకుంటే ఇష్క్ సినిమా ఫ్లాప్ గా నిలిచింది. ఈ వారం విడుదలైన సినిమాల్లో ఎస్ఆర్ కళ్యాణమండపం సినిమాపై ప్రేక్షకుల్లో భారీగా అంచనాలు నెలకొన్నాయి. కిరణ్ అబ్బవరం ఈ సినిమాలో హీరోగా నటించగా సాయికుమార్ ఈ సినిమాలో కీలక పాత్రలో నటించారు.
అయితే హీరో కిరణ్ అబ్బవరం తాజాగా ఒక ఇంటర్వ్యూలో మాట్లాడుతూ తన సినిమాల్లో బాలయ్య పోస్టర్స్ ఎక్కువగా కనిపిస్తాయని తాను మొదట బాలయ్య నటించిన సమరసింహారెడ్డి, నరసింహ నాయుడు సినిమాలను చూశానని అన్నారు. నాన్నకు బాలకృష్ణ అంటే చాలా అభిమానమని కిరణ్ అబ్బవరం చెప్పుకొచ్చారు. కిరణ్ అబ్బవరం చేసిన కామెంట్లు సోషల్ మీడియాలో తెగ వైరల్ అవుతుండటం గమనార్హం. కిరణ్ అబ్బవరంకు జోడీగా ఎస్ఆర్ కళ్యాణమండపం సినిమాలో ప్రియాంక జవాల్కర్ నటించారు.
వరుస సినిమాలతో ప్రియాంక జవాల్కర్ క్రేజ్ ను మరింత పెంచుకునే ప్రయత్నం చేస్తున్నారు. కిరణ్ అబ్బవరం చేసిన కామెంట్స్ ను బాలయ్య ఫ్యాన్స్ తెగ వైరల్ చేస్తున్నారు. అయితే ఈ సినిమాను బాలకృష్ణ ఫ్యాన్స్ పట్టించుకుంటారో లేదో చూడాల్సి ఉంది. ఎస్ఆర్ కళ్యాణమండపం టీజర్, ట్రైలర్ ప్రేక్షకులను ఆకట్టుకోగా కిరణ్ అబ్బవరం ఈ సినిమాతో సక్సెస్ ను సొంతం చేసుకోవాలని భావిస్తున్నారు.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
Home